ಹುಬ್ಬಳ್ಳಿ: ಅಗತ್ಯ ವಸ್ತುಗಳ ಖರೀದಿಗೆ ಜನಜಂಗುಳಿ, ವಾಹನ ದಟ್ಟಣೆ

ಹುಬ್ಬಳ್ಳಿ: ಸೋಮವಾರದಿಂದ ಲಾಕ್ ಡೌನ್‌ ಎಂದು ಜನರು ಶನಿವಾರವೇ ವಿವಿಧ ವಸ್ತುಗಳ ಖರೀದಿಗೆ ಮುಂದಾಗಿದ್ದರಿಂದ, ನಗರದ ಅನೇಕ ಕಡೆಗಳಲ್ಲಿ ಜನಜಂಗುಳಿ ಹಾಗೂ ವಾಹನಗಳ ದಟ್ಟಣೆ ಕಂಡು ಬಂದಿತು.

ಶನಿವಾರ ಬೆಳಿಗ್ಗೆಯೇ ಜನರು ತರಕಾರಿ,ಹಣ್ಣುಗಳು, ಆಹಾರ ಸಾಮಗ್ರಿಗಳ ಖರೀದಿಗೆ ಮುಂದಾಗಿದ್ದು ಕಂಡು ಬಂದಿತು.

ನೂರಾರು ಜನರು ಕಾರು-ಬೈಕ್ ಇನ್ನಿತರ ವಾಹನಗಳಲ್ಲಿ ಮಾರುಕಟ್ಟೆಗಳಿಗೆ ಬಂದು ಖರೀದಿಗೆ ಮುಗಿಬಿದ್ದದ್ದು ಕಂಡುಬಂದಿತು.

ಇಲ್ಲಿನ ಅಕ್ಕಿಹೊಂಡ, ಬಾರದಾನಸಾಲು, ಅಮರಗೋಳದ ಎಪಿಎಂಸಿ, ಸಿದ್ಧಾರೂಢಸ್ವಾಮಿ ಮಠದ ಮುಖ್ಯ ರಸ್ತೆ ಸೇರಿದಂತೆ ವಿವಿಧ ಮಾರುಕಟ್ಟೆ ಸ್ಥಳಗಳಲ್ಲಿ ಟ್ರಾಫಿಕ್ ಜಾಮ್ ಉಂಟಾಗಿತ್ತು.