ಓವರ್ ಟೇಕ್ ಮಾಡಲು ಹೋಗಿ ಕಬ್ಬು ತುಂಬಿದ ಟ್ಯಾಕ್ಟರ್ ಗಾಲಿಗೆ ಸಿಲುಕಿ ದಂಪತಿ ಸಾವು

ಕಲಾದಗಿ (ಬಾಗಲಕೋಟೆ): ಕಬ್ಬು ತುಂಬಿದ ಟ್ಯಾಕ್ಟರ್ ವಾಹನವನ್ನು ಬೈಕ್ ಸವಾರ ಓವರ್ ಟೆಕ್ ಮಾಡಿ ಹೊಗುವ ವೇಳೆ ಟ್ಯಾಕ್ಟರ್ ಗಾಲಿಯಡಿ ಸಿಲುಕಿ ಬಿದ್ದು ದಂಪತಿಗಳು ಸ್ಥಳದಲ್ಲಿ ಮೃತ ಪಟ್ಟ ದುರ್ಘಟನೆ ಕಲಾದಗಿ ಕಾತರಕಿ ಬ್ರಿಜ್ ಬಳಿ ನಡೆದಿದೆ.

ಹಿರೇಶೆಲ್ಲಿಕೇರಿಯಿಂದ ಬೀಳಗಿ ತಾಲೂಕಿನ ಜಾನಮಟ್ಟಿ ಗ್ರಾಮಕ್ಕೆ ತೆರಳುವ ವೇಳೆ ದುರ್ಘಟನೆ ಸಂಭವಿಸಿದ್ದು, ಹಿರೇಶೆಲ್ಲಿಕೇರಿಯ ಹನಮಪ್ಪ ಲಕ್ಷ್ಮಪ್ಪ ನಾಯ್ಕರ್ (65), ಈತನ ಪತ್ನಿ ರುದ್ರವ್ವ ಹನಮಪ್ಪ ನಾಯ್ಕರ್ (55) ಮೃತ ಪಟ್ಟ ದಂಪತಿ ದುದೈವಿಗಳು.

ಬೈಕ ಸವಾರ ಯಲ್ಲಪ್ಪ ಲಕ್ಷ್ಮಪ್ಪ ಚಿಗರಿ (35), ಚಂದ್ರವ್ವ ಭಿಮಪ್ಪ ನಾಯ್ಕರ (13) ರಿಗೆ ಗಾಯಾಳುಗಳಾಗಿದ್ದಾರೆ.

ಬೈಕ್ ನಲ್ಲಿ ನಾಲ್ವರು ಸವಾರಿ ಮಾಡುತ್ತಿದ್ದು ಓವರ್ ಟೆಕ್ ಮಾಡುವ ವೇಳೆ ಎದುರಿಗೆ ಟಂ ಟಂ ಬಂದಿದೆ. ಆ ವೇಳೆ ಬೈಕ್ ಹಿಂದೆ ಕುಳಿತಿದ್ದ ಇಬ್ವರು ಟ್ಯಾಕ್ಟರ್ ಗಾಲಿ ಬಾಯಿಗೆ ಸಿಲುಕಿ ಇಬ್ಬರು ಮೃತ ಪಟ್ಟಿದ್ದಾರೆ.