ಟಾಪ್‌ ಸೀಡ್‌ ಓಪನ್‌ ಟೆನಿಸ್‌; ಕ್ವಾರ್ಟರ್‌ ಫೈನಲ್‌ಗೆ ಕೊಕೊ ಗಾಫ್

ಲೆಕ್ಸಿಂಗ್ಟನ್‌ (ಕೆಂಟುಕಿ): ಅಮೆರಿಕದ 16ರ ಯುವ ಆಟಗಾರ್ತಿ ಕೊಕೊ ಗಾಫ್ ಆತಂಕದ ಕ್ಷಣಗಳನ್ನು ಯಶಸ್ವಿಯಾಗಿ ನಿಭಾಯಿಸಿ “ಟಾಪ್‌ ಸೀಡ್‌ ವನಿತಾ ಓಪನ್‌ ಟೆನಿಸ್‌’ ಪಂದ್ಯಾವಳಿಯ ಕ್ವಾರ್ಟರ್‌ ಫೈನಲ್‌ ತಲಪುವಲ್ಲಿ ಯಶಸ್ವಿಯಾಗಿದ್ದಾರೆ.

ಕಳೆದ ರಾತ್ರಿಯ ಸೆಣಸಾಟದಲ್ಲಿ ಕೊಕೊ ಗಾಫ್ ದ್ವಿತೀಯ ಶ್ರೇಯಾಂಕದ ಬೆಲರೂಸ್‌ ಆಟಗಾರ್ತಿ ಅರಿನಾ ಸೆಬಲೆಂಕಾ ವಿರುದ್ಧ 7-6 (2), 4-6, 6-4 ಅಂತರದ ಮೇಲುಗೈ ಸಾಧಿಸಿದರು. ಇವರ ಮುಂದಿನ ಎದುರಾಳಿ ಟ್ಯುನಿಶಿಯಾದ ಓನ್ಸ್‌ ಜಾಬರ್‌. ಅವರು ಬೆಲರೂಸ್‌ನ ಓಲ್ಗಾ ಗೊವೊತ್ಸೋವಾ ವಿರುದ್ಧ 3-6, 6-2, 6-4 ಅಂತರದ ಗೆಲುವು ಒಲಿಸಿಕೊಂಡರು. ಗೊವೊತ್ಸೋìವಾ 2014ರ ಬಳಿಕ ಡಬ್ಲ್ಯುಟಿಎ ಕ್ವಾರ್ಟರ್‌ ಫೈನಲ್‌ ಕಾಣಲು ಸತತವಾಗಿ ವಿಫ‌ಲರಾಗುತ್ತಲೇ ಇದ್ದಾರೆ.

ಇನ್ನೊಂದು ಕ್ವಾರ್ಟರ್‌ ಫೈನಲ್‌ನಲ್ಲಿ ಜೆಕ್‌ ಆಟಗಾರ್ತಿ ಮಾರಿ ಬೌಜ್ಕೋವಾ ಮತ್ತು ಅಮೆರಿಕದ ಜೆನ್ನಿಫ‌ರ್‌ ಬ್ರಾಡಿ ಎದುರಾಗಲಿದ್ದಾರೆ. ಬೌಜ್ಕೋವಾ ರಶ್ಯದ ಅನ್ನಾ ಬ್ಲಿಂಕೋವಾ ಅವರನ್ನು 6-4, 6-2ರಿಂದ, ಬ್ರಾಡಿ ಪೋಲೆಂಡಿನ ಮಾಗಾx ಲಿನ್ನೆಟ್‌ ಅವರನ್ನು 6-2, 6-3 ಅಂತರದಿಂದ ಹಿಮ್ಮಟ್ಟಿಸಿದರು.