ಹೈದರಾಬಾದ್: ಪ್ಯಾನ್‌ ಇಂಡಿಯಾ ಸ್ಟಾರ್‌ ಅಲ್ಲು ಅರ್ಜುನ್ ಅವರಿಗಿಂದು 42ನೇ ಹುಟ್ಟುಹಬ್ಬದ ಸಂಭ್ರಮ. ಮಧ್ಯರಾತ್ರಿಯಿಂದಲೇ ಅವರ ಅಭಿಮಾನಿಗಳ ನಟನ ನಿವಾಸದ ಮುಂದೆ ಜಮಾವಣೆಗೊಂಡಿದ್ದು, ನೆಚ್ಚಿನ ನಟನಿಗೆ ವಿಶ್‌ ಮಾಡಲು ಸಾಲು ಸಾಲಾಗಿ ಬಂದಿದ್ದಾರೆ.
ಸ್ಟೈಲಿಸ್ಟ್‌ ಅಲ್ಲು ಅರ್ಜುನ್ ಅವರಿಗೆ ಟಾಲಿವುಡ್‌ ನಲ್ಲಿ ಮಾತ್ರವಲ್ಲದೆ, ಇತರೆ ಸಿನಿರಂಗದಿಂದಲೂ ಅಪಾರ ಅಭಿಮಾನಿಗಳಿದ್ದಾರೆ. ಅವರ ಸಿನಿಮಾಗಳು ಇತರೆ ಭಾಷೆಗೂ ಡಬ್‌ ಆಗಿ ರಿಲೀಸ್‌ ಆಗುತ್ತವೆ. ಟಿವಿಯಲ್ಲಿ ಬೇರೆ ಭಾಷೆಗೂ ಡಬ್‌ ಆಗಿ ಅವರ ಸಿನಿಮಾಗಳು ಪ್ರಸಾರವಾಗುತ್ತವೆ. ಆ ನಿಟ್ಟಿನಲ್ಲಿ ಅಲ್ಲು ಅರ್ಜುನ್ ಅವರ ಫ್ಯಾನ್‌ ಫಾಲೋವಿಂಗ್‌ ಎಲ್ಲೆಡೆಯೂ ಇದೆ.
ಅಲ್ಲು ಅರ್ಜುನ್ ಅವರ ಹುಟ್ಟುಹಬ್ಬಕ್ಕೆ ವಿಶ್‌ ಮಾಡಲು ಫ್ಯಾನ್ಸ್ ಗಳು ಮಧ್ಯರಾತ್ರಿಯಿಂದಲೇ ಅವರ ನಿವಾಸದ ಮುಂದೆ ಬಂದು ಸೇರಿದ್ದಾರೆ. ಅಲ್ಲು ಪರ ಘೋಷಣೆ ಕೂಗುತ್ತಾ ನಟನನನ್ನು ನೋಡಲು ಸಾಲು ಸಾಲಾಗಿ ನಿಂತಿದ್ದಾರೆ. ತನ್ನ ಅಭಿಮಾನಿಗಳನ್ನು ನೋಡಿ ಅವರತ್ತ ಕೈಬೀಸಿರುವ ಅಲ್ಲು ಅರ್ಜುನ್ ಅವರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇನ್ನೊಂದೆಡೆ ಅಲ್ಲು ಅರ್ಜುನ್ ಅವರ ಹುಟ್ಟುಹಬ್ಬದಂದು ʼಪುಷ್ಪ-2ʼ ಸಿನಿಮಾದ ಟೀಸರ್ ರಿಲೀಸ್‌ ಆಗಲಿದೆ. ಇದಕ್ಕಾಗಿ ಕಳೆದ ಎರಡು ಮೂರು ದಿನಗಳಿಂದ ʼಪುಷ್ಪ-2 ಟೀಸರ್ʼ ಟ್ವಿಟರ್‌ ನಲ್ಲಿ ಟ್ರೆಂಡ್‌ ಆಗಿದೆ.
