Advertisement
ರಿಲೀಸ್ ಆದ 7 ದಿನಗಳಲ್ಲಿ 700 ಕೋಟಿಗೂ ಹೆಚ್ಚಿನ ಕಮಾಯಿ ಮಾಡುವ ಮೂಲಕ ಹೊಸ ದಾಖಲೆಯನ್ನು ʼಕಲ್ಕಿʼ ಬರೆದಿದೆ. ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ರಿಲೀಸ್ ಆಗಿ ಅಮೆರಿಕಾ, ಕೆನಡಾ ಸೇರಿದಂತೆ ವಿದೇಶದ ಥಿಯೇಟರ್‌ ಗಳಲ್ಲೂ ಚಿತ್ರ ಸಖತ್‌ ಸೌಂಡ್‌ ಮಾಡಿದೆ.
Related Articles
Advertisement
ಅಮಿತಾಭ್‌, ಕಮಲ್‌ ಹಾಸನ್‌, ದೀಪಿಕಾ ಅವರಂತಹ ದೊಡ್ಡ ಪಾತ್ರವರ್ಗವೇ ಇರುವ ಸೈನ್ಸ್‌ ಫಿಕ್ಷನ್‌ ʼ ʼಕಲ್ಕಿ 2898 ಎಡಿʼ ಸೀಕ್ವೆಲ್ ಮುಂದಿನ ವರ್ಷವೇ ರಿಲೀಸ್ ಆಗುವ ಸಾಧ್ಯತೆಯಿದೆ ಎನ್ನಲಾಗಿದೆ.
ʼಕಲ್ಕಿ 2898 ADʼ (Kalki 2898 AD) ಸೀಕ್ವೆಲ್ ಚಿತ್ರೀಕರಣ ಈ ವರ್ಷಾಂತ್ಯದಲ್ಲಿ ಶುರುವಾಗಲಿದೆ. 2025ರ ಜೂನ್‌ ತಿಂಗಳಿಗೆ ಚಿತ್ರ ಥಿಯೇಟರ್‌ ಗೆ ಬರಲಿದೆ ಎಂದು ನಿರ್ಮಾಪಕ ಅಶ್ವಿನ್ ದತ್‌ ಹೇಳಿದ್ದಾರೆ.
ನಿರ್ದೇಶಕ ನಾಗ್ ಅಶ್ವಿನ್ ಅವರಿಗೆ 10 ದಿನಗಳ ಕಾಲ ವಿಶ್ರಾಂತಿ ತೆಗೆದುಕೊಂಡು ಮುಂದಿನ ಭಾಗಕ್ಕೆ ಕೆಲಸ ಮಾಡಲು ರೆಡಿಯಾಗಿ ಎಂದು ಪ್ರಭಾಸ್‌ ಈ ಹಿಂದೆ ಹೇಳಿದ್ದರು. ಆ ಮೂಲಕ ಪಾರ್ಟ್‌ -2 ಶೀಘ್ರದಲ್ಲಿ ಆರಂಭಗೊಳ್ಳಲಿದೆ ಎನ್ನುವ ಸುಳಿವನ್ನು ನೀಡಿದ್ದರು.
ಪ್ರಭಾಸ್‌ ಅವರ ʼರಾಜಾ ಸಾಬ್‌ʼ, ʼಸ್ಪಿರಿಟ್‌ʼ ಹಾಗೂ ʼಸಲಾರ್‌ -2ʼ ಸಿನಿಮಾಗಳು ಬರಲಿದ್ದು, ಈ ಸಿನಿಮಾಗಳು ಮುಂದಿನ ವರ್ಷವೇ ತೆರೆಕಾಣುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ.