ಹೈದಾರಬಾದ್: ಕಳೆದ ಕೆಲ ಸಮಯದಿಂದ ಟಾಲಿವುಡ್‌ ಹಾಗೂ ಸ್ಯಾಂಡಲ್‌ ವುಡ್‌ ನಲ್ಲಿ ವಿವಾದದೊಂದಿಗೆ ಸುದ್ದಿಯಾಗಿದ್ದ ನರೇಶ್ ಬಾಬು – ಪವಿತ್ರ ಲೋಕೇಶ್ ರಿಲೇಷನ್‌ ಶಿಪ್‌ ಈಗ ಮತ್ತೊಮ್ಮೆ ಸುದ್ದಿಯಾಗಿದೆ.
ಇತ್ತೀಚೆಗೆ ನರೇಶ್ ಹಾಗೂ ಪವಿತ್ರ ಒಂದೇ ಹೊಟೇಲ್‌ ನಲ್ಲಿ ತಂಗಿದ್ದರು. ಇದನ್ನು ಅರಿತ ನರೇಶ್ ಪತ್ನಿ ರಮ್ಯಾ ಅವರು ಹೊಟೇಲ್‌ ಗೆ ಎಂಟ್ರಿ ಕೊಟ್ಟು ದೊಡ್ಡ ರಾದ್ಧಾಂತವನ್ನೇ ಮಾಡಿದ್ದರು. ಟಾಲಿವುಡ್‌ ನಲ್ಲಿ ದೊಡ್ಡ ಸುದ್ದಿಯಾಗಿದ್ದ ಈ ವಿಚಾರ ನರೇಶ್ ಹಾಗೂ ಪವಿತ್ರ ಇಬ್ಬರ ಮೇಲೂ ಅನೇಕ ಅನುಮಾನ ಮೂಡುವಂತೆ ಮಾಡಿತ್ತು. ಇಬ್ಬರು ಸ್ನೇಹಿತರು ಎಂದು ಹೇಳುತ್ತಿದ್ದರೂ ಈ ರೀತಿಯಾಗಿ ಇರುವುದು ಅನೇಕರಿಗೆ ಸಂಶಯ ಮೂಡಿಸಿತ್ತು.
ಕೆಲವರಂತೂ ನರೇಶ್ ಹಾಗೂ ಪವಿತ್ರ ಮದುವೆಯಾಗಲಿದ್ದಾರೆ ಎನ್ನುತ್ತಿದ್ದರು. ಇತ್ತೀಚೆಗೆ ಇಬ್ಬರು ಒಂದೇ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎನ್ನುವ ಸುದ್ದಿಯೂ ಹೊರ ಬಿದ್ದಿತ್ತು. ಇದೀಗ ಮತ್ತೊಂದು ದೊಡ್ಡ ವಿಷಯ ಹೊರ ಬಿದ್ದಿದೆ.
ನಟ ನರೇಶ್ ಬಾಬು ತಮ್ಮ ಟ್ವಟರ್‌ ಖಾತೆಯಲ್ಲಿ ಪವಿತ್ರ ಲೋಕೇಶ್ ಅವರೊಂದಿಗೆ ಕೇಕ್‌ ಕತ್ತರಿಸಿ, ಅವರಿಗೆ ಲಿಪ್‌ ಲಾಕ್‌ ಮಾಡಿ, ಹೊಸ ವರ್ಷ, ಹೊಸ ಆರಂಭ #PavitraNaresh ಎಂದು ಮದುವೆಯ ಬಗ್ಗೆ ಸುಳಿವು ಕೊಟ್ಟಿದ್ದಾರೆ.
ಸದ್ಯ ಈ ಟ್ವೀಟ್‌ ಹಾಟ್‌ ಟಾಪಿಕ್‌ ಆಗಿದ್ದು, ನೂರಾರು ನೆಟ್ಟಿಗರು ವಿವಿಧ ರೀತಿಯಲ್ಲಿ ಕಮೆಂಟ್‌ ಮಾಡುತ್ತಿದ್ದಾರೆ.
