ಟೋಕಿಯೊ ಒಲಿಂಪಿಕ್ಸ್‌: ದೇಶದ 68 ಪ್ರಾಯೋಜಕರ ಒಪ್ಪಂದ ವಿಸ್ತರಣೆ

ಟೋಕಿಯೊ: ಮುಂದಿನ ವರ್ಷಕ್ಕೆ ಮುಂದೂಡಲ್ಪಟ್ಟ ಟೋಕಿಯೊ ಒಲಿಂಪಿಕ್ಸ್‌ಗೆ ಗುರುವಾರ ಮಹತ್ವದ ಯಶಸ್ಸು ಲಭಿಸಿದೆ. ಎಲ್ಲ 68 ದೇಶಿ ಪ್ರಾಯೋಜಕರು ತಮ್ಮ ಒಪ್ಪಂದವನ್ನು ವಿಸ್ತರಿಸಲು ಒಪ್ಪಿಗೆ ನೀಡಿದ್ದಾರೆ.

ಕೊರೊನಾದಿಂದ ಒಲಿಂಪಿಕ್ಸ್‌ ಕೂಟವನ್ನು ಮುಂದೂಡಿದ ಪರಿಣಾಮ ಈ ಪ್ರಾಯೋಜಕರಿಂದ 22 ಬಿಲಿಯನ್‌ ಯೆನ್‌ (212 ಮಿ. ಡಾಲರ್‌) ಹೆಚ್ಚುವರಿ ಆರ್ಥಿಕ ನೆರವು ಲಭಿಸಬಹುದೆಂಬುದು ಸಂಘಟಕರ ಲೆಕ್ಕಾಚಾರ. ಜಪಾನ್‌ ಏರ್‌ಲೈನ್ಸ್‌ ಕಂ.ಲಿ., ಆಲ್‌ ನಿಪ್ಪೋನ್‌ ಏರ್‌ವೆಸ್‌ ಕಂ.ಲಿ., ಕ್ಯಾನನ್‌, ನಿಪ್ಪೋನ್‌ ಟೆಲಿಗ್ರಾಫ್ ಆ್ಯಂಡ್‌ ಟೆಲಿಕಾಮ್‌ ಕಾರ್ಪೊರೇಶನ್‌ ಮೊದಲಾದವೆಲ್ಲ ಒಲಿಂಪಿಕ್ಸ್‌ ಪ್ರಾಯೋಜನೆಯ ಮುಂಚೂಣಿಯಲ್ಲಿರುವ ಜಪಾನಿನ ಕಂಪೆನಿಗಳಾಗಿವೆ.