ಗಾಲ್ಫ್ ನಲ್ಲಿ ಪದಕ ಗೆಲ್ಲಲಿದ್ದಾರಾ ಅದಿತಿ?

ಟೋಕ್ಯೊ: ಬೆಂಗಳೂರಿನ ಮಹಿಳಾ ಗಾಲ್ಫರ್‌ ಅದಿತಿ ಅಶೋಕ್‌ಗೆ ಒಲಿಂಪಿಕ್ಸ್‌ ಪದಕವೊಂದನ್ನು ಗೆಲ್ಲುವ ಅವಕಾಶವಿದೆಯಾ? ಅವರ ಸದ್ಯದ ಪ್ರದರ್ಶನ ನೋಡಿದರೆ ಹೌದೆಂದು ಸಂತಸದಿಂದ ಹೇಳಬಹುದು.

ಒಂದು ವೇಳೆ ಅವರು ಪದಕ ಗೆದ್ದರೆ, ಒಲಿಂಪಿಕ್ಸ್‌ ಗಾಲ್ಫ್ ನಲ್ಲಿ ಈ ಸಾಧನೆ ಮಾಡಿದ ಮೊದಲ ಭಾರತೀಯ ಸ್ಪರ್ಧಿ ಎನಿಸಿಕೊಳ್ಳಲಿದ್ದಾರೆ. ಅವರು ಗುರುವಾರ ನಡೆದ 2ನೇ ಸುತ್ತಿನ ಹೋರಾಟದಲ್ಲಿ 66 ಅಂಕ ಗಳಿಸಿದ್ದಾರೆ. ಮಾತ್ರವಲ್ಲ ಎರಡನೇ ಸ್ಥಾನ ಕಾಯ್ದುಕೊಂಡಿದ್ದಾರೆ. ಇದೇ ಪ್ರದರ್ಶನವನ್ನು ಕಾಯ್ದುಕೊಂಡರೆ ಅವರು ಖಚಿತವಾಗಿ ಪದಕ ಗೆಲ್ಲಲಿದ್ದಾರೆ.

ಪ್ರಸ್ತುತ ವಿಶ್ವ ನಂ.1 ಆಟಗಾರ್ತಿ, ಅಮೆರಿಕದ ನೆಲ್ಲಿ ಕೊರ್ಡಾ ಮೊದಲ ಸ್ಥಾನದಲ್ಲಿದ್ದಾರೆ.