ಈ ರಾಶಿಯವರಿಗಿಂದು ಸುಖ, ಸಂಪತ್ತು ಸಮೃದ್ಧಿಯಿಂದ ನೆಮ್ಮದಿ ದೊರಕಲಿದೆ!

20-12-2020

ಮೇಷ: ತೀರ್ಥಯಾತ್ರೆಯ ಸಂಭವವಿರುತ್ತದೆ. ಸಾಮಾಜಿಕವಾಗಿ ಗೌರವ ಘನತೆ ಹೆಚ್ಚಲಿದೆ. ಶುಭ ಕಲಾಪಗಳಿಂದ ಮನ ಸಮಾಧಾನ ಹಾಗೂ ಸಂತಸಗೊಳ್ಳಲಿದೆ. ಆರೋಗ್ಯದ ಬಗ್ಗೆ ಅತೀ ಜಾಗ್ರತೆ ಮಾಡಿರಿ.

ವೃಷಭ: ಸೋದರರೊಡನೆ ಲೇವಾದೇವಿಯಲ್ಲಿ ಸ್ವಲ್ಪ ಅಸಮಾಧಾನವಾಗಲಿದೆ. ಕುಟುಂಬ ಕ್ಲೇಶ, ತಂದೆಯ ಆರೋಗ್ಯ ಹಾನಿ ಇತ್ಯಾದಿಗಳಿಂದ ಬೇಸರವಾಗಲಿದೆ. ಕೃಷಿ ಭೂಮಿ ಖರೀದಿಗಾಗಿ ಧನವಿನಿಯೋಗವಾಗಲಿದೆ.

ಮಿಥುನ: ಕಲೆ, ಸಾಹಿತ್ಯ ವಿಭಾಗಗಳಲ್ಲಿ ನಿಮ್ಮನ್ನು ಗುರುತಿಸುವ ಕೆಲಸ ನಡೆಯಲಿದೆ. ಹಿತಬಂಧುಗಳು ನಿಮ್ಮಿಂದ ಸಹಾಯ ನಿರೀಕ್ಷಿಸಬಹುದು. ಅವಿವಾಹಿತರಿಗೆ ದಾಂಪತ್ಯ ಜೀವನದ ಸುಯೋಗ ಕಂಡು ಬರಲಿದೆ.

ಕರ್ಕ: ಸಮೀಪದ ಆದರೂ ಅಪರೂಪದ ಬಂಧು ಸಮಾಗಮದಿಂದ ಹರ್ಷವಾಗಲಿದೆ. ಗೃಹಿಣಿಗೆ ವಾತ ದೋಷದಿಂದ ಸಂಧಿನೋವು, ಉದರದಲ್ಲಿ ವ್ಯತ್ಯಾಸ ಕಂಡುಬರುವುದು. ಸಂಯಮದಿಂದ ಕಾರ್ಯಸಿದ್ಧಿಯಾಗಲಿದೆ.

ಸಿಂಹ: ಧರ್ಮಕಾರ್ಯಗಳಲ್ಲಿ ವಿಘ್ನ ಭಾದೆ ಕಂಡೀತು. ಆದಾಯವೂ ತಡೆಯೊಳಗಾಗಿ ನೆಮ್ಮದಿ ಕೆಡಲಿದೆ. ಕುಟುಂಬ ಕಲಹ, ವೃತ್ತಿಯಲ್ಲಿ ವಂಚನೆ, ವಿವಾದ ಇತ್ಯಾದಿಗಳಿಂದ ಮಾನಸಿಕ ವ್ಯಥೆ ಉಂಟಾಗಲಿದೆ.

ಕನ್ಯಾ: ಚರ್ಮರೋಗ, ವಾತ ಪಿತ್ತ, ಅಪಕೀರ್ತಿ ಇತ್ಯಾದಿಗಳಿಗೂ ಶನಿ ಕಾರಣನಾದಾನು. ಧನಾಗಮನ ವೃದ್ಧಿಯಿಂದ ಮನಸ್ಸು ಹಗುರವಾಗಲಿದೆ. ಮಾತೃಕ್ಲೇಶಕ್ಕೆ ಎಡೆಯಿದೆ. ಪಿತ್ತ ಪ್ರಕೋಪ, ಪತ್ನಿಗೆ ಅನಾರೋಗ್ಯ ಕಂಡುಬಂದೀತು.

ತುಲಾ: ನೀವು ಮಾಡುವ ವ್ಯವಹಾರದಲ್ಲಿ, ಅಭೀಷ್ಟ ಸಿದ್ಧಿಯಾಗಲಿದೆ. ನೂತನ ಕಾರ್ಯಾರಂಭಕ್ಕೆ ಧನ ವಿನಿಯೋಗ ಮಾಡಬೇಡಿರಿ. ಕುಟುಂಬ ಆಸ್ತಿ ವಿಚಾರದಲ್ಲಿ ಮನಸ್ತಾಪ ಉಂಟಾದೀತು. ಆತ್ಮೀಯರ ಆಗಮನವಿದೆ.

ವೃಶ್ಚಿಕ: ಪ್ರವಾಸ, ಯಾತ್ರಾದಿಗಳಿಂದ ಸಂತೃಪ್ತಿ. ಮನೆಯ ವಿಸ್ತರಣೆಯಾ ರಿಪೇರಿ ಕೆಲಸಕ್ಕೆ ಈಗ ಅವಕಾಶವಿದೆ. ಸರಕಾರೀ ಇಲಾಖೆಯಿಂದ ಭೀತಿ ಇರುತ್ತದೆ. ದುಡುಕಿ ಮಾಡಿದ ಕಾರ್ಯದಿಂದ ಆಶಾಭಂಗವಾಗಲಿದೆ.

ಧನು: ಮಕ್ಕಳ ವಿದ್ಯಾಪ್ರಗತಿಯಿಂದ ಸಂತಸ, ಸರಕಾರಿ ಉದ್ಯೋಗಸ್ಥರಿಗೆ ಸ್ಥಾನ ಪ್ರಾಪ್ತಿ ಇದ್ದರೂ ಕಿರಿಕಿರಿಯು ಹೆಚ್ಚಾದೀತು. ಸಹೋದ್ಯೋಗಿಗಳ ಅಸೂಯೆಯ ದೃಷ್ಟಿ ನಿಮ್ಮ ಮೇಲೆ ಇದ್ದೀತು. ಶುಭವಾರ್ತೆಯಿಂದ ಸಂತಸ.

ಮಕರ: ಕಫ‌ ದೋಷ, ಉದರವ್ಯಾಧಿ, ಅಜೀರ್ಣ ಉಪದ್ರವದಿಂದಲೋ ಆರೋಗ್ಯ ಸರಿಯಿರಲಾರದು. ಮಕ್ಕಳ ಅಲಸ್ಯದಿಂದ ವಿದ್ಯೆಯಲ್ಲಿ ಕೊರತೆ ಕಂಡುಬರಲಿದೆ. ಹಿರಿಯರಿಗೆ ಆದಾಯದಲ್ಲಿ ಲಾಭ ಸಿಗಲಿದೆ. ಶುಭವಿದೆ.

ಕುಂಭ: ಮತ್ಸೋದ್ಯಮ, ತರಕಾರೀ ವ್ಯಾಪಾರದಲ್ಲಿ ಪ್ರಗತಿ ಕಡಿಮೆ ಇರುತ್ತದೆ. ಶುಭಮಂಗಲ ಕಾರ್ಯಗಳ ಮುನ್ಸೂಚನೆ ಕಂಡುಬರಲಿದೆ. ತೀರ್ಥಯಾತ್ರೆಯಂತಹ ಪುಣ್ಯಕಾರ್ಯಗಳಿಗೂ ನಿಮಗೆ ಯೋಗವಿದೆ.

ಮೀನ: ಸುಖ, ಸಂಪತ್ತು ಸಮೃದ್ಧಿಯಿಂದ ನೆಮ್ಮದಿ ದೊರಕಲಿದೆ. ಕಫ‌, ಪಿತ್ತದೋಷದಿಂದ ಆರೋಗ್ಯದಲ್ಲಿ ಏರುಪೇರು ಕಂಡೀತು. ಕಾರ್ಯಸಾಧನೆಯಲ್ಲಿ ಪದೇ ಪದೇ ಪರಕೀಯರ ಪೀಡೆ ಕಂಡುಬಂದೀತು. ಜಾಗ್ರತೆ.

ಎನ್.ಎಸ್.ಭಟ್