ಇಂದು ಮೋದಿ ನೇತೃತ್ವದಲ್ಲಿ “ಪೂರ್ಣ’ಸಂಪುಟ ಸಭೆ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಪೂರ್ಣ ಸಚಿವ ಸಂಪುಟದ ಮೊದಲ ಸಭೆ ಬುಧವಾರ ನಡೆಯಲಿದೆ. ಮುಂದಿನ ಐದು ವರ್ಷಗಳಿಗೆ ಅನ್ವಯವಾಗುವಂತೆ ಸರಕಾರ ಜಾರಿಗೊಳಿಸಬೇಕಾಗಿರುವ ಹಲವು ಕಾರ್ಯಕ್ರಮಗಳ ಬಗ್ಗೆ ಪ್ರಧಾನಿ ಪ್ರಸ್ತಾಪಿಸುವ ಸಾಧ್ಯತೆ ಇದೆ. ವಿಶೇಷವಾಗಿ ಸಹಾಯಕ ಸಚಿವರು ತಮ್ಮ ತಮ್ಮ ಸಚಿವಾಲಯಗಳಲ್ಲಿ ವಹಿಸಬೇಕಾಗಿರುವ ಹೊಣೆ ಮತ್ತು ಸಂಪುಟ ಸಚಿವರು ಅವರಿಗೆ ನೀಡಬೇಕಾಗಿರುವ ಹೊಣೆ, ಕೆಲಸಗಳ ಬಗ್ಗೆಯೂ ಮೋದಿ ವಿವರಿಸುವ ಸಾಧ್ಯತೆ ಇದೆ.
ಬಳಿಕ ಕೇಂದ್ರ ಸಂಪುಟ ಸಭೆಯೂ ನಡೆಯಲಿದೆ. ಅದರಲ್ಲಿ ಮಹತ್ವದ ನಿರ್ಣಯಗಳನ್ನು ಕೈಗೊಳ್ಳುವ ಸಾಧ್ಯತೆ ಇದೆ. 17ರಿಂದ ಸಂಸತ್‌ ಅಧಿವೇಶನ ನಡೆಯಲಿರುವ ಹಿನ್ನೆಲೆಯಲ್ಲಿ ಈ ಸಭೆ ಮಹತ್ವ ಪಡೆದಿದೆ.