ಅಜೆಕಾರು: ರಸ್ತೆ ಬದಿ ಹಾಳಾಗುತ್ತಿರುವ ಮರದ ದಿಮ್ಮಿಗಳು

ಅಜೆಕಾರು: ಅಜೆಕಾರು ಪೇಟೆಯ ಸಮೀಪ ಮುಖ್ಯ ರಸ್ತೆಯ ಅಂಚಿನಲ್ಲಿಯೇ ಮರದ ದಿಮ್ಮಿಗಳನ್ನು ಹಾಕಲಾಗಿದ್ದು ದಿಮ್ಮಿಗಳು ಹಾಳಾಗುತ್ತಿವೆ.

ಕಳೆದ 7, 8 ತಿಂಗಳ ಹಿಂದೆ ರಸ್ತೆ ಅಂಚಿನ ಅಪಾಯಕಾರಿ ಮರವನ್ನು ಅರಣ್ಯ ಇಲಾಖೆ ತೆರವು ಮಾಡಿದ್ದು ಈ ದಿಮ್ಮಿಗಳನ್ನು ವಿಲೇವಾರಿ ಮಾಡದೆ ರಸ್ತೆ ಅಂಚಿನಲ್ಲಿಯೇ ಬಿಡಲಾಗಿದೆ.

ದಿಮ್ಮಿಗಳಿಂದಾಗಿ ವಾಹನ ಸವಾರರಿಗೆ, ಪಾದಚಾರಿಗಳಿಗೂ ತೊಂದರೆಯಾಗುತ್ತಿದೆ. ದಿಮ್ಮಿಗಳು ಹಾಳಾಗುತ್ತಿರುವುದರಿಂದ ಅರಣ್ಯ ಇಲಾಖೆಗೂ ನಷ್ಟ ಉಂಟಾಗುತ್ತದೆ.

ಅಜೆಕಾರು ಹೋಬಳಿಯ ನಾಡಕಚೇರಿ, ಬ್ಯಾಂಕ್‌, ವಾಣಿಜ್ಯ ಕಟ್ಟಡಗಳಿಗೆ ತೆರಳುವ ರಸ್ತೆ ಇದಾಗಿದ್ದು ಈ ರಸ್ತೆ ಅಂಚಿನ ಮರದ ದಿಮ್ಮಿಗಳನ್ನು ಕೂಡಲೇ ಅರಣ್ಯ ಇಲಾಖೆ ವಿಲೇವಾರಿ ಮಾಡಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.