ಚಿತ್ರೀಕರಣಕ್ಕೆ ಹೊರಟ “ಟಿಕ್‌-ಟಾಕ್‌ ಗಣೇಶ’

ಸೋಶಿಯಲ್‌ ಮೀಡಿಯಾಗಳಲ್ಲಿ “ಟಿಕ್‌-ಟಾಕ್‌’ ಎಷ್ಟರ ಮಟ್ಟಿಗೆ ಜನಪ್ರಿಯವಾಗಿದೆ ಅನ್ನೋದು ಎಲ್ಲರಿಗೂ ಗೊತ್ತಿರುವ ವಿಷಯ. ಈಗ ಇದೇ “ಟಿಕ್‌-ಟಾಕ್‌’ ಹೆಸರಿನಲ್ಲೇ ಕನ್ನಡದಲ್ಲಿ ಸದ್ದಿಲ್ಲದೆ ಚಿತ್ರವೊಂದು ತಯಾರಾಗುತ್ತಿದೆ. ಅಂದಹಾಗೆ, ಆ ಚಿತ್ರದ ಹೆಸರು “ಟಿಕ್‌-ಟಾಕ್‌ ಗಣೇಶ’. ಸದ್ಯ ತನ್ನ ಪ್ರೀ-ಪ್ರೊಡಕ್ಷನ್‌ ಕೆಲಸಗಳ ಅಂತಿಮ ಹಂತದಲ್ಲಿರುವ ಈ ಚಿತ್ರ ಇದೇ ನ. 27ರಿಂದ ಚಿತ್ರೀಕರಣಕ್ಕೆ ಹೊರಡುತ್ತಿದೆ.

ಈ ಹಿಂದೆ “ಸಾಪ್ಟ್ವೇರ್‌ ಗಂಡ’ ಚಿತ್ರ ನಿರ್ದೇಶಿಸಿದ್ದ ವಿ3 ಈ ಚಿತ್ರಕ್ಕೆ ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿದ್ದಾರೆ. “ವಿ3 ಕ್ರಿಯೇಷನ್ಸ್‌’ ಲಾಂಛನದಲ್ಲಿ ನರೇಶ್‌. ಜಿ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. “ಟಿಕ್‌-ಟಾಕ್‌ ಗಣೇಶ’ ಚಿತ್ರಕ್ಕೆ ಸತೀಶ್‌ ಗುಬ್ಬಚ್ಚಿ ಕಥೆ ಒದಗಿಸಿದ್ದಾರೆ. ಚಿತ್ರಕ್ಕೆ ಲಕ್ಷ್ಮೀಕಾಂತ್‌ ಛಾಯಾಗ್ರಹಣವಿದೆ. ಚಿತ್ರದ ಹಾಡುಗಳಿಗೆ ವೀರ ಸಮರ್ಥ ಸಂಗೀತ ಸಂಯೋಜನೆಯಿದೆ.

ಚಿತ್ರಕ್ಕೆ ಥ್ರಿಲ್ಲರ್‌ ಮಂಜು ಸಾಹಸ, ಜೈ ನೃತ್ಯ ನಿರ್ದೇಶನ, ಆನಂದ್‌ ಕಲಾ ನಿರ್ದೇಶನವಿದೆ. ಸಂಪೂರ್ಣ ಕಾಮಿಡಿ ಕಂ ಲವ್‌-ಆ್ಯಕ್ಷನ್‌ ಕಥಾಹಂದರವಿರುವ “ಟಿಕ್‌-ಟಾಕ್‌ ಗಣೇಶ’ ಚಿತ್ರದಲ್ಲಿ “ಮೆಂಟಲ್‌ ಮಂಜ’ ಖ್ಯಾತಿಯ ಅರ್ಜುನ್‌, ಶುಭರಕ್ಷಾ, ಸಾನ್ವಿ ಪೊನ್ನಪ್ಪ, ನಿಖೀತಾ, ಅಮೃತಾ, ಮಮತಾ, ವಿನುತಾ, ಧನಲಕ್ಷ್ಮೀ, ಶಶಿಧರ್‌, ಸುಬ್ಬಯ್ಯ, ಪೃಥ್ವಿ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.