Tibetan ಆಧ್ಯಾತ್ಮಿಕ ನಾಯಕ ದಲೈ ಲಾಮಾ ಚಿಕಿತ್ಸೆಗಾಗಿ ಅಮೆರಿಕಕ್ಕೆ

ಹೊಸದಿಲ್ಲಿ : ಟಿಬೆಟಿಯನ್ ಆಧ್ಯಾತ್ಮಿಕ ನಾಯಕ ದಲೈ ಲಾಮಾ ಅವರು ಈ ತಿಂಗಳಲ್ಲಿ ಚಿಕಿತ್ಸೆಗಾಗಿ ಅಮೆರಿಕಕ್ಕೆ ತೆರಳಲಿದ್ದಾರೆ.

ಮೊಣಕಾಲು ಚಿಕಿತ್ಸೆಗಾಗಿ ತೆರಳುತ್ತಿದ್ದು ಅಧಿಕೃತ ಎಕ್ಸ್ ಹ್ಯಾಂಡಲ್‌ನಲ್ಲಿ ಪೋಸ್ಟ್ ಮಾಡಲಾಗಿದ್ದು “ಸಾರ್ವಜನಿಕರು ಸೇರಿದಂತೆ ಯಾವುದೇ ನಿಗದಿತ ಭೇಟಿಗಳನ್ನು ಮುಂದಿನ ಸೂಚನೆ ಬರುವವರೆಗೆ ಜೂನ್ 20 ರಿಂದ ಇರುವುದಿಲ್ಲ ಎಂದು ಎಲ್ಲರಿಗೂ ತಿಳಿಸುತ್ತೇವೆ. ದಲೈ ಲಾಮಾ ಅವರು ತಮ್ಮ ಮೊಣಕಾಲಿನ ವೈದ್ಯಕೀಯ ಚಿಕಿತ್ಸೆಗಾಗಿ ಅಮೆರಿಕಕ್ಕೆ ಪ್ರಯಾಣಿಸಲು ನಿರ್ಧರಿಸಿದ್ದಾರೆ. ಅವರು ಧರ್ಮಶಾಲಾಗೆ ಹಿಂದಿರುಗಿದ ನಂತರ, ನಿಯಮಿತ ಭೇಟಿಗಳು ಪುನರಾರಂಭಗೊಳ್ಳುತ್ತವೆ. ನಿಮ್ಮ ತಿಳುವಳಿಕೆಗಾಗಿ ಧನ್ಯವಾದಗಳು’ ಎಂದು ಪೋಸ್ಟ್ ಮಾಡಲಾಗಿದೆ.

ದಲೈ ಲಾಮಾ ಅವರು 89 ನೇ ವಸಂತಕ್ಕೆ ಕಾಲಿಡಲಿರುವ ಕೆಲವು ದಿನಗಳ ಮೊದಲು ಅವರು ಯುಎಸ್‌ಗೆ ತೆರಳುತ್ತಿದ್ದಾರೆ. ಆಧ್ಯಾತ್ಮಿಕ ನಾಯಕ 2017 ರಲ್ಲಿ ಕೊನೆಯ ಬಾರಿಗೆ ಯುಎಸ್‌ಗೆ ಭೇಟಿ ನೀಡಿದ್ದರು ಎಂದು ಐಎಎನ್‌ಎಸ್ ವರದಿ ತಿಳಿಸಿದೆ.