ಮೂಡುಮಾರ್ನಾಡು: ಸಿಡಿಲು, ಮನೆಗೆ ಹಾನಿ

ಮೂಡುಬಿದಿರೆ: ಪಡುಮಾರ್ನಾಡು ಗ್ರಾ.ಪಂ. ವ್ಯಾಪ್ತಿಯ ಮೂಡು ಮಾರ್ನಾಡು ಗ್ರಾಮದ ಮುಗೇರಕಲ ರುಕ್ಕಯ್ಯ ಮುಗೇರ ಅವರ ಮನೆಗೆ ಗುರುವಾರ ಮಧ್ಯಾಹ್ನ ಸಿಡಿಲು ಬಡಿದು ಹಾನಿಯಾಗಿದೆ.

ಮನೆ ನಾಯಿ ಸಾವನ್ನಪ್ಪಿದೆ. ಮನೆಯ ಅಡಿಪಾಯ, ಗೋಡೆ, ವಿದ್ಯುತ್‌ ಉಪಕರಣಗಳು ಹಾನಿಗೀಡಾಗಿದ್ದು, ಸುಮಾರು 50 ಸಾವಿರ ರೂ. ನಷ್ಟ ಉಂಟಾಗಿದೆ. ಸಿಡಿಲು ಬಡಿದ ಪರಿಣಾಮ ರುಕ್ಕಯ್ಯ ಅವರು ಮೂಛೆ ತಪ್ಪಿ ಬಿದ್ದಿದ್ದು, ಅವರಿಗೆ ಮೂಡುಬಿದಿರೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದೆ. ಪಕ್ಕದ ಮನೆಯ ಸಂಜೀವ ಅವರ ಮನೆಗೂ ಹಾನಿಯಾಗಿದ್ದು, ವಿದ್ಯುತ್‌ ಉಪಕರಣಗಳು ಸುಟ್ಟುಹೋಗಿವೆ. ಕಳೆದ ವರ್ಷದ ಮಳೆಗಾಲದಲ್ಲೂ ರುಕ್ಕಯ್ಯ ಮುಗೇರ ಅವರ ಮನೆ ಸಿಡಿಲು ಬಡಿದು ಹಾನಿಯಾಗಿತ್ತು.