ವಿಜಯಪುರ ಮತ್ತೆ ಮೂವರಿಗೆ‌ ಸೋಂಕು: 35ಕ್ಕೇರಿದ ಸಂಖ್ಯೆ

ವಿಜಯಪುರ: ಮಂಗಳವಾರ ಮಧ್ಯಾಹ್ನದ ಕೋವಿಡ್-19 ಹೆಲ್ತ್ ಬುಲಿಟಿನ್ ಪ್ರಕಟಗೊಂಡಿದ್ದು, ವಿಜಯಪುರ ಜಿಲ್ಲೆಯ ಮತ್ತೆ ಮೂವರಿಗೆ ಸೋಂಕು ದೃಢಪಟ್ಟಿದೆ. ಇದರೊಂದಿಗೆ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 35ಕ್ಕೆ ಏರಿದೆ.

ಮಂಗಳವಾರ ಮೊದಲ ಬುಲಿಟಿನ್ ನಲ್ಲಿ ಸೋಂಕು ದೃಢಪಟ್ಟ ಮೂವರೂ ಮಹಿಳೆಯರೇ ಆಗಿದ್ದು, ಈ ಮೂವರಿಗೂ P-306 ಸೋಂಕಿತ ವ್ಯಕ್ತಿಯಿಂದಲೇ ಸೋಂಕು ಹರಡಿದೆ. ಇದರಲ್ಲಿ 18 ವರ್ಷದ ಇಬ್ಬರು ಹಾಗೂ 30 ವರ್ಷದ ಓರ್ವ ಮಹಿಳೆ ಸೇರಿದ್ದಾರೆ.

ರಾಜ್ಯದಲ್ಲಿ ಇಂದು ಏಳು ಹೊಸ ಸೋಂಕು ಪ್ರಕರಣಗಳು ದೃಢವಾಗಿದ್ದು, ಕಲಬುರಗಿ ಮತ್ತು ವಿಜಯಪುರದಲ್ಲಿ ತಲಾ ಮೂರು, ದಕ್ಷಿಣ ಕನ್ನಡದಲ್ಲಿ ಒಂದು ಪ್ರಕರಣ ದೃಢವಾಗಿದೆ.

ರಾಜ್ಯದ್ಲಲಿ ಒಟ್ಟು ಸೋಂಕಿತರ ಸಂಖ್ಯೆ 415 ಆಗಿದ್ದು, 17 ಸೋಂಕಿತರು ನಿಧನರಾಗಿದ್ದಾರೆ. ಒಟ್ಟು 114 ಸೋಂಕಿತರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.