ಶ್ರೀನಗರ ಎನ್‌ಕೌಂಟರ್‌: 3 ಉಗ್ರರ ಹತ್ಯೆ, ಓರ್ವ ಪೊಲೀಸ್‌ ಸಾವು

ಜಮ್ಮು : ಇಂದು ಬುಧವಾರ  ನಸುಕಿನ ವೇಳೆ ಶ್ರೀನಗರದ ಫ‌ತೇ ಕದಾಲ್‌ ಪ್ರದೇಶದಲ್ಲಿ  ಸಂಭವಿಸಿದ ಭೀಕರ ಗುಂಡಿನ ಕಾಳಗದಲ್ಲಿ ಕನಿಷ್ಠ ಮೂವರು ಉಗ್ರರು ಪೊಲೀಸರ ಗುಂಡಿಗೆ ಬಲಿಯಾದರು.

ಎಎನ್‌ಐ ವರದಿಯ ಪ್ರಕಾರ ಈ ಗುಂಡಿನ ಕಾಳಗದಲ್ಲಿ ಮೂವರು ಉಗ್ರರು ಮತ್ತು ಓರ್ವ ಪೊಲೀಸ್‌ ಸಿಬಂದಿ ಮೃತಪಟ್ಟಿದ್ದಾರೆ.

ತಾಜಾ ವರದಿಗಳ ಪ್ರಕಾರ ಸೇನೆ, ಜಮ್ಮು ಕಾಶ್ಮೀರ ಪೊಲೀಸರು ಮತ್ತು ಸಿಆರ್‌ಪಿಎಫ್ ನಡೆಸಿರುವ ಈ ಜಂಟಿ ಕಾರ್ಯಾಚರಣೆ ಇದೀಗ ಮುಗಿದಿದ್ದು ಬದುಕುಳಿದಿರಬಹುದಾದ ಇನ್ನಷ್ಟು ಉಗ್ರರಿಗಾಗಿ ಶೋಧ ಕಾರ್ಯ ಆರಂಭವಾಗಿದೆ. 

ಎನ್‌ಕೌಂಟರ್‌ನಲ್ಲಿ ಮೂವರು ಉಗ್ರರು ಹತರಾಗಿರುವುದನ್ನು ಶ್ರೀನಗರದ ಎಸ್‌ಎಸ್‌ಪಿ ಇಮಿ¤ಯಾಜ್‌ ಇಸ್ಮಾಯಿಲ್‌ ಪಾರೇ ದೃಢೀಕರಿಸಿದ್ದಾರೆ. ಅಂತೆಯೇ ಪೊಲೀಸ್‌ ಸಿಬಂದಿ ಓರ್ವರು ಮೃತಪಟ್ಟಿರುವುದನ್ನೂ ಅವರು ದೃಢೀಕರಿಸಿದ್ದಾರೆ. 

ಎನ್‌ಕೌಂಟರ್‌ ತಾಣದಲ್ಲಿ ಇನ್ನೂ ಅಡಗಿಕೊಂಡಿರುವ ಉಗ್ರರಲ್ಲಿ ಲಷ್ಕರ್‌ ಎ ತಯ್ಯಬ ಉಗ್ರ ಸಂಘಟನೆಯ ಓರ್ವ ಉನ್ನತ ಕಮಾಂಡರ್‌ ಕೂಡ ಸೇರಿದ್ದಾನೆ ಎಂದು ವರದಿಗಳು ಹೇಳಿವೆ.