ವಿದ್ಯುದಾಘಾತದಿಂದ ಮೂವರು ಕಾರ್ಮಿಕರ ದಾರುಣ ಸಾವು

ಜಾನ್‌ಪುರ : ಹ್ಯಾಂಡ್‌ ಪಂಪ್‌ ಒಂದರ ಬೋರಿಂಗ್‌ ಪೈಪ್‌ ದುರಸ್ತಿ ಮಾಡುತ್ತಿದ್ದ ವೇಳೆ ಅದು ಹೈಟೆನ್‌ಶನ್‌ ವಿದ್ಯುತ್‌ ಲೈನ್‌ ನ ಸಂಪರ್ಕಕ್ಕೆ ಬಂದ ಕಾರಣ ಮೂವರು ಕಾರ್ಮಿಕರು ವಿದ್ಯುದಾಘಾತಕ್ಕೆ ಮೃತಪಟ್ಟ ಘಟನೆ ನಡೆದಿದೆ.

ಈ ಘಟನೆಯು ಜಿಲ್ಲೆಯ ವಿಷ್ಣುಪುರದಲ್ಲಿ ನಡೆಯಿತೆಂದು ಮರಿಯಾಹು ಸರ್ಕಲ್‌ ಆಫೀಸರ್‌ ರಾಮ್‌ ಭುವನ್‌ ಯಾದವ್‌ ತಿಳಿಸಿದರು. 

ಮೃತರನ್ನು ಸುಭಾಷ್‌ ಚಂದ್ರ ಸಾಹು (65), ಕುಲದೀಪ್‌ ಯಾದವ್‌ (18) ಮತ್ತು ಅಮರನಾಥ್‌ ಯಾದವ್‌ (40) ಎಂದು ಗುರುತಿಸಲಾಗಿದೆ. ಶವಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.