ಒಂದೇ ಬೈಕಿನಲ್ಲಿ 4 ಮಂದಿ; ಬಸ್ಸು ಬಡಿದು ಮೂವರ ಸಾವು, ಓರ್ವ ಗಂಭೀರ

ಉಮರಿಯಾ, ಮಧ್ಯಪ್ರದೇಶ :  ಜಿಲ್ಲಾ  ಕೇಂದ್ರದಿಂದ ಸುಮಾರು 40 ಕಿ.ಮೀ. ದೂರದಲ್ಲಿರುವ ತಾರಾ ಗ್ರಾಮದಲ್ಲಿ ಇಂದು ಬೆಳಗ್ಗೆ ಬಸ್ಸೊಂದು ಮೋಟಾರ್‌ ಸೈಕಲಿಗೆ ಢಿಕ್ಕಿ ಹೊಡೆದು ಸಂಭವಿಸಿದ ಭೀಕರ ಅಪಘಾತದಲ್ಲಿ ಮೂವರು ಮೃತಪಟ್ಟು ಇನ್ನೋರ್ವ ಗಂಭೀರವಾಗಿ ಗಾಯಗೊಂಡನೆಂದು ಪೊಲೀಸರು ತಿಳಿಸಿದ್ದಾರೆ. 

ಮೃತರನ್ನು ರವಿ ಪ್ರಜಾಪತಿ 18, ಆತನ ಸಹೋದರಿ ಮೋನಿಕಾ ಪ್ರಜಾಪತಿ 17 ಮತ್ತು ಸೋದರ ಸಂಬಂಧಿ ಜತಿನ್‌ ಪ್ರಜಾಪತಿ 7 ಎಂದು ಗುರುತಿಸಲಾಗಿದೆ. 

ಜತಿನ್‌ನ ಹಿರಿಯ ಸಹೋದರ ಗಂಭೀರವಾಗಿ ಗಾಯಗೊಂಡಿದ್ದು ಆತನನ್ನು ಜಿಲ್ಲಾಸ್ಪತ್ರೆಗೆ ಸೇರಿಸಲಾಗಿದೆ. ಈ ಎಲ್ಲ ನಾಲ್ಕು ಮಂದಿ ಒಂದೇ ಬೈಕಿನಲ್ಲಿ ಪ್ರಯಾಣಿಸುತ್ತಿದ್ದರು.

ಬಸ್‌ ಚಾಲಕನನ್ನು ಬಂಧಿಸಲಾಗಿದೆ. ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.