ಮೆಹಬೂಬಾಬಾದ್‌ : ರಿಕ್ಷಾಕ್ಕೆ ಲಾರಿ ಢಿಕ್ಕಿ; ಮೂವರ ಸಾವು

ಮೆಹಬೂಬಾಬಾದ್‌: ಮೆಹಬೂಬಾಬಾದ್‌ ಜಿಲ್ಲೆಯ ನರಸಿಂಹುಲುಪೇಟೆ ಮಂಡಲ್‌ ವ್ಯಾಪ್ತಿಗೆ ಒಳಪಟ್ಟ ಪೆಡ್ಡ ನಗರಂ ನಲ್ಲಿ, ಧಾವಿಸಿ ಬರುತ್ತಿದ್ದ ಲಾರಿಯೊಂದು ಆಟೋ ರಿಕ್ಷಾಗೆ ಢಿಕ್ಕಿ ಹೊಡೆದ ಭೀಕರ ಅವಘಡದಲ್ಲಿ ರಿಕ್ಷಾದಲ್ಲಿದ್ದ ಮೂವರು ದಾರುಣವಾಗಿ ಮೃತಪಟ್ಟ ಘಟನೆ ವರದಿಯಾಗಿದೆ.

ಸರ್ಕಲ್‌ ಇನ್ಸ್‌ಪೆಕ್ಟರ್‌ ಚೇರಾಲು ಥೋರೂರ್‌ ತಿಳಿಸಿರುವ ಪ್ರಕಾರ ರಿಕ್ಷಾದಲ್ಲಿದ್ದವರು ಮೇರಿಪೇಡಾಗೆ ತೆರಳುತ್ತಿದ್ದರು. ಎದುರುಗಡೆಯಿಂದ ಧಾವಿಸಿ ಬರುತ್ತಿದ್ದ ಲಾರಿ ಇವರ ರಿಕ್ಷಾಕ್ಕೆ ಢಿಕ್ಕಿಹೊಡೆಯಿತು.

ಮೃತರೆಲ್ಲರೂ 20ರಿಂದ 22 ವರ್ಷ ಪ್ರಾಯದವರಾಗಿದ್ದಾರೆ. ಇವರೆಲ್ಲರೂ ಸ್ಥಳದಲ್ಲೇ ಮೃತಪಟ್ಟರು.

ದುರಂತ ಘಟಿಸುತ್ತಲೆ ಲಾರಿ ಚಾಲಕ ಪರಾರಿಯಾಗಿದ್ದಾನೆ; ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.