ಸೌದಿ ಅಗ್ನಿ ದುರಂತ: 11 ಭಾರತೀಯರ ಸಾವು

ಜೆಡ್ಡಾ: ಸೌದಿ ಅರೇಬಿಯಾದ ನಜ್ರನ್‌ ನಗರದಲ್ಲಿನ ವಸತಿ ಕಟ್ಟಡದಲ್ಲಿ ಸಂಭವಿಸಿದ ಬೆಂಕಿ ಅನಾಹುತದಲ್ಲಿ 11 ಮಂದಿ ಭಾರತೀಯರು ಮೃತಪಟ್ಟಿದ್ದಾರೆ. ಉತ್ತರಪ್ರದೇಶದ ನಾಲ್ವರು, ಕೇರಳದ ಮೂವರು, ಬಿಹಾರ, ತಮಿಳುನಾಡಿನ ತಲಾ ಒಬ್ಬರು ಮೃತಪಟ್ಟಿದ್ದು ಇನ್ನಿಬ್ಬರು ಎಲ್ಲಿಯವರು ಎಂಬುದು ಗೊತ್ತಾಗಿಲ್ಲ. ದುರಂತದಲ್ಲಿ ಐವರು ಭಾರತೀಯರು ಗಾಯಗೊಂಡಿದ್ದು, ಅವರ ಮಾಹಿತಿಯೂ ಸಿಕ್ಕಿಲ್ಲ ಎಂದು ವಿದೇಶಾಂಗ ಇಲಾಖೆ ಹೇಳಿದೆ.