BBMP Ex Corporator ಪುತ್ರ ಸೇರಿ ಮೂವರು ಅರೆಸ್ಟ್; ಅಂತಾರಾಜ್ಯ ಗಾಂಜಾ ದಂಧೆ!

ಬೆಂಗಳೂರು: ಅಂತಾರಾಜ್ಯ ಗಾಂಜಾ ದಂಧೆಯಲ್ಲಿ ನಿರತರಾಗಿದ್ದ ಬಿಬಿಎಂಪಿ ಮಾಜಿ ಕಾರ್ಪೊರೇಟರ್‌ ಒಬ್ಬರ ಪುತ್ರ ಸೇರಿ ಮೂವರನ್ನು ಆಂಧ್ರಪ್ರದೇಶದ ಗುಂಟೂರಿನಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ಬಂಧಿತ ಆರೋಪಿಗಳು ಸುದ್ದಗುಂಟೆಪಾಳ್ಯ ಮಾಜಿ ಕಾರ್ಪೊರೇಟರ್ ಪುತ್ರ ಅಭಿನವ್(30), ಹೆಚ್​ಎಸ್​ಆರ್ ಬಡಾವಣೆಯ ಕಿಶೋರ್ ಪ್ರಕಾಶ್ ರೆಡ್ಡಿ(34) ಮತ್ತು ಬಾಲಾಜಿ ನಗರದ ಸುಮಂತ್ ಕುಮಾರ್ (24) ಎಂದು ತಿಳಿದು ಬಂದಿದೆ.

ಒಡಿಶಾದಲ್ಲಿ ಗಾಂಜಾ ಸಂಗ್ರಹಿಸಿ ಬೆಂಗಳೂರಿಗೆ 2 ಕಾರುಗಳಲ್ಲಿ ಸಾಗಾಟ ಮಾಡುತ್ತಿದ್ದವೇಳೆ ಕಾರ್ಯಾಚರಣೆ ನಡೆಸಿದ ಗುಂಟೂರು ಪೊಲೀಸರು ಮಾಲು ಸಮೇತ ಬಂಧಿಸಿದ್ದಾರೆ.

60 ಕೆಜಿ ಗಾಂಜಾ, ಮೊಬೈಲ್ ಫೋನ್ ಗಳು, 2 ಕಾರು, 2.28 ಲಕ್ಷ ರೂ.ನಗದು ಸೇರಿದಂತೆ ಒಟ್ಟು 44 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ಪೊಲೀಸರು ಜಪ್ತಿ ಮಾಡಿಕೊಂಡಿದ್ದಾರೆ.