ಕ್ರಿಕೆಟ್ ಬೆಟ್ಟಿಂಗ್: ಹುಬ್ಬಳ್ಳಿಯಲ್ಲಿ ಮೂವರ ಬಂಧನ

ಹುಬ್ಬಳ್ಳಿ: ಕ್ರಿಕೆಟ್ ಬೆಟ್ಟಿಂಗ್ ನಲ್ಲಿ ತೊಡಗಿದ್ದ ಮೂವರನ್ನು ಬಂಧಿಸಿರುವ ಇಲ್ಲಿನ ಕೇಶ್ವಾಪುರ ಠಾಣೆ ಪೊಲೀಸರು, 1.34 ಲಕ್ಷ ರೂ., ಹಾಗೂ ಮೊಬೈಲ್ ಫೋನ್ ವಶಪಡಿಸಿಕೊಂಡಿದ್ದಾರೆ.

ಕೇಶ್ವಾಪುರದ ಜನತಾ ಕಾಲೋನಿಯಲ್ಲಿ ಸೋಮವಾರ ರಾತ್ರಿ ಮೊಬೈಲ್ ನಲ್ಲಿ ಕ್ರಿಕೆಟ್ ಬೆಟ್ಟಿಂಗ್ ಆಡುತ್ತಿದ್ದ ಮಾಹಿತಿಯ ಆಧಾರದಲ್ಲಿ ದಾಳಿ ನಡೆಸಿದ್ದಾರೆ.

ಇದನ್ನೂ ಓದಿ:ಹುಬ್ಬಳ್ಳಿ: ಎರಡು ಕಡೆ ಚೂರಿ ಇರಿತ ಪ್ರಕರಣ, ಆರೋಪಿಗಳಿಗಾಗಿ ಶೋಧ

ಬಂಧಿತ ಆರೋಪಿಗಳನ್ನು ಆಟೋರಿಕ್ಷಾ ಚಾಲಕರಾದ ರೈಲ್ವೆ ಕ್ವಾರ್ಟರ್ಸ್ ಕಾಲೋನಿಯ ಶಿವರಾಮಕೃಷ್ಣ ನಾಂಚರಯ್ಯ, ಗಾಂಧಿವಾಡ ಸ್ಲಂನ ರಾಜೇಂದ್ರ ಅಕ್ಕಿದಾಸರಿ ಮತ್ತು ಚಾಲುಕ್ಯ ನಗರದ ಪೇಂಟರ್ ರಾಜರಾವ ಪಾಪತಿನಿ ಎಂದು ಗುರುತಿಸಲಾಗಿದೆ.