ಪರಿಸರ ಹೋರಾಟಗಾರ್ತಿ ಗ್ರೇಟಾ ಹೋರಾಟಕ್ಕೆ ಪೋಷಕರ ಬೆಂಬಲವಿಲ್ಲ

ಲಂಡನ್‌: ಜಾಗತಿಕ ಹವಾಮಾನ ಬದಲಾವಣೆ ಕುರಿತು ಹೋರಾಟ ಹುಟ್ಟುಹಾಕಿ 16 ವರ್ಷ ವಯಸ್ಸಿನ ಬಾಲಕಿ ಗ್ರೇಟಾ ಥನ್ಬರ್ಗ್‌ ಜಾಗತಿಕ ಮಟ್ಟದಲ್ಲಿ ಪ್ರಶಂಸೆಗೆ ಒಳಗಾದವಳು. ಆದರೆ ಆಕೆ ನಡೆಸುತ್ತಿರುವ ಹೋರಾಟಕ್ಕೆ ಸ್ವತಃ ಆಕೆಯ ಪೋಷಕರ ಬೆಂಬಲವೇ ಇಲ್ಲ.

ಈ ಕುರಿತು ವಾಹಿನಿಯೊಂದರ ಜತೆ ಅಭಿಪ್ರಾಯ ಹಂಚಿಕೊಂಡಿರುವ ಆಕೆಯ ತಂದೆ, ಗ್ರೇಟಾ ಈ ಹೋರಾಟದ ಮುಂಚೂಣಿ ವಹಿಸಿದ್ದು ಒಂದು ಕೆಟ್ಟ ಯೋಚನೆ. ಆಕೆ ಶಾಲೆಗೆ ಹಾಜರಾಗದೆ ಹೋರಾಟಗಳಲ್ಲಿ ಭಾಗವಹಿಸುವುದು ಇಷ್ಟವಿಲ್ಲ. ಆಕೆ ಸುಮಾರು 3 ವರ್ಷಗಳ ಕಾಲ ಖನ್ನತೆಯಿಂದ ಬಳಲಿದ್ದಾಳೆ. ಚಿಕಿತ್ಸೆ ಪಡೆಯುತ್ತಿದ್ದ ಆಕೆ ಇಷ್ಟು ಬೇಗ ಹೋರಾಟಕ್ಕೆ ಧುಮುಕಿರುವುದು ಸರಿಯಲ್ಲ ಎಂದಿದ್ದಾರೆ.