ತೋಕೂರು -ಉಡುಪಿ ನಡುವೆ ವಿದ್ಯುತ್‌ ಚಾಲಿತ ರೈಲು ಯಶಸ್ವೀ ಓಡಾಟ

ಸುರತ್ಕಲ್‌: ವಿದ್ಯುತ್‌ ಚಾಲಿತ ರೈಲು ಓಡಾಟದಲ್ಲಿ ಕೊಂಕಣ ರೈಲ್ವೇ ಮಹತ್ವದ ಸಾಧನೆ ಮಾಡಿದೆ. ಸೋಮವಾರ ಸುರತ್ಕಲ್‌ ಸಮೀಪದ ತೋಕೂರಿನಿಂದ ಉಡುಪಿಯ ವರೆಗೆ ಪ್ರಾಯೋಗಿಕ ಓಡಾಟ ಯಶಸ್ವಿಯಾಗಿದೆ.

ಪ್ರಯಾಣಿಕರ ಸಮಯ ಉಳಿತಾಯ, ಇಂಧನ ಮಿತವ್ಯಯಕ್ಕಾಗಿ ವಿದ್ಯುದೀಕರಣವನ್ನು ತ್ವರಿತವಾಗಿ ಪೂರ್ಣಗೊಳಿಸುವ ಕಾರ್ಯದಲ್ಲಿ ಕೊಂಕಣ ರೈಲ್ವೇ ನಿರತವಾಗಿದೆ. ತೋಕೂರಿನಿಂದ ಕುಂದಾಪುರದ ಬಿಜೂರು ವರೆಗೆ ವಿದ್ಯುದೀಕರಣ ಪೂರ್ಣಗೊಂಡಿದೆ. ಈ ಮಾರ್ಗದ ತೋಕೂರು -ಉಡುಪಿ ನಡುವೆ 48 ಕಿ.ಮೀ. ದೂರವಿದ್ದು, ರೈಲು ತೋಕೂರಿನಿಂದ ಸಂಜೆ 4.05 ಗಂಟೆಗೆ ಪ್ರಯಾಣ ಆರಂಭಿಸಿ 6.10 ನಿಮಿಷಕ್ಕೆ ಉಡುಪಿ ತಲುಪಿತು. ಪ್ರಾಯೋಗಿಕ ಯಾನದ ವೇಳೆ ಇಲಾಖೆಯ ಎಂಜಿನಿಯರ್‌ಗಳು, ಹಿರಿಯ ಅಧಿ ಕಾರಿಗಳು ಉಪಸ್ಥಿತರಿದ್ದರು.