ಇದೇ ಮೊದಲ ಬಾರಿ ಸೂರ್ಯನನ್ನು ಸ್ಪರ್ಶಿಸಿದ ನಾಸಾ!

ವಾಷಿಂಗ್ಟನ್: ಜಗತ್ತಿಗೇ ಬೆಳಕು ಕೊಡುವ ಸೂರ್ಯನ ಸಮೀಪಕ್ಕೆ ಇದುವರೆಗೆ ಹೋದವರು ಯಾರೂ ಇಲ್ಲ. ಆದರೆ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ “ನಾಸಾ’ ಸೂರ್ಯನ ಅಧ್ಯಯನಕ್ಕೆಂದು ಕಳುಹಿಸಿದ ಪಾರ್ಕರ್‌ ಸೋಲಾರ್‌ ಪ್ರೋಬ್‌ ನೌಕೆ ಭಾಸ್ಕರನ ಅತ್ಯಂತ ಸಮೀಪಕ್ಕೆ ಹೋಗಿದೆ.

ಊಹಿಸಲಸಾಧ್ಯವಾಗಿರುವ ತಾಪ ಮಾನವನ್ನೂ ಅದು ತಾಳಿಕೊಂಡಿದೆ. ಈ ವರ್ಷದ ಎಪ್ರಿಲ್‌ನಲ್ಲಿಯೇ ಈ ಸಾಧನೆ ಮಾಡಲಾಗಿದೆ.

ವಿಜ್ಞಾನಿಗಳು ಸೋಲಾರ್‌ ಪ್ರೋಬ್‌ ನೌಕೆ ಸೂರ್ಯನ ಹೊರ ಮೇಲ್ಮೈ ವಲಯದ ಕರೊನಾ ಪ್ರದೇಶವನ್ನು ಸ್ಪರ್ಶಿಸಿದೆಯೇ ಎಂಬ ಅಂಶದ ಬಗ್ಗೆ ಅಧ್ಯಯನ ನಡೆಸುತ್ತಿದ್ದರು. ಆ ಅಂಶವೂ ಈಗ ಖಚಿತವಾಗಿದೆ.