13 ಐಪಿಎಲ್‌ಗ‌ಳಲ್ಲಿ ಇದೇ ಅತ್ಯುತ್ತಮ ಸಾಧನೆ: ಮುಂಬೈ ಇಂಡಿಯನ್ಸ್ ನ ಆಕಾಶ್ ಅಂಬಾನಿ

ಮುಂಬಯಿ: ಹದಿಮೂರು ವರ್ಷಗಳ ಐಪಿಎಲ್‌ ಇತಿಹಾಸದಲ್ಲಿ ನಮ್ಮವರ ಈ ಸಲದ ಸಾಧನೆಯೇ ಅತ್ಯುತ್ತಮವಾದುದು ಎಂದು ಚಾಂಪಿಯನ್‌ ಮುಂಬೈ ಇಂಡಿಯನ್ಸ್‌ ತಂಡದ ಮಾಲಕ ಆಕಾಶ್‌ ಅಂಬಾನಿ ಹೇಳಿದ್ದಾರೆ.

ಕಳೆದ ವರ್ಷಕ್ಕೆ ಹೋಲಿಸಿದರೆ ನಮ್ಮ ಗೆಲುವು-ಸೋಲಿನ ದಾಖಲೆಯಲ್ಲಿ ಯಾವುದೇ ವ್ಯತ್ಯಾಸವಿಲ್ಲ. ಆದರೆ ಆಟದ ಗುಣಮಟ್ಟಕ್ಕೆ ಹೋಲಿಸಿದರೆ ಈ ವರ್ಷದ ಸಾಧನೆ ಅತ್ಯುತ್ತಮ ಎಂದಿದ್ದಾರೆ.

ನಾವು ಯಾವ ಕಾರ್ಯತಂತ್ರಗಳನ್ನು ರೂಪಿಸಿದ್ದೆವೋ ಅವೆಲ್ಲವೂ ಶೇ. 95ರಿಂದ ಶೇ. 98ರಷ್ಟು ಯಶಸ್ಸು ಕಂಡಿತು. ಹೀಗಾಗಿ ಈ 13 ವರ್ಷಗಳಲ್ಲೇ ನಮ್ಮವರು ನೀಡಿದ ಅತ್ಯುತ್ತಮ ಪ್ರದರ್ಶನ ಇದಾಗಿದೆ ಎಂದು ಆಕಾಶ್ ಅಂಬಾನಿ ಹೇಳಿದರು.

ಇದನ್ನೂ ಓದಿ:ಯುವ ದೇವದತ್ತ ಪಡಿಕ್ಕಲ್‌ಗೆ ಸ್ಫೂರ್ತಿ ತುಂಬಿದ ಎ.ಬಿ.ಡಿವಿಲಿಯರ್ಸ್

ಮುಂಬೈ ಇಂಡಿಯನ್ಸ್ ತಂಡ ಈ ಬಾರಿಯ ಐಪಿಎಲ್ ಫೈನಲ್ ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಜಯ ಸಾಧಿಸಿ ಮತ್ತೊಂದು ಬಾರಿ ಚಾಂಪಿಯನ್ ಆಗಿದೆ. ಮುಂಬೈ ಇಂಡಿಯನ್ಸ್ ಇದುವರೆಗೆ ಐದು ಬಾರಿ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.