Advertisement
ವಿದ್ಯುತ್‌ ಕೈಕೊಟ್ಟರೆ!ಕೆದಂಬಾಡಿ ಗ್ರಾಮದ ತಿಂಗಳಾಡಿ ಮತ್ತು ಕೆಯ್ಯೂರು ಗ್ರಾಮದ ಮಾಡಾವು ಪ್ರದೇಶದಲ್ಲಿ ಸಾವಿರಕ್ಕೂ ಅಧಿಕ ಬಿಎಸ್ಸೆನ್ನೆಲ್‌ ಸಿಮ್‌ ಬಳಕೆದಾರರು ಇದ್ದಾರೆ. ಮಾಡಾವಿನಲ್ಲಿ ಒಂದು ಟವರ್‌ ಇದೆ. ಇದು ಕೆಯ್ಯೂರು ಪ್ರದೇಶಕ್ಕೆ ನೆಟ್‌ ವರ್ಕ್‌ ಒದಗಿಸುತ್ತದೆ. ತಿಂಗಳಾಡಿಯಲ್ಲಿ 10 ಕಿ.ಮೀ. ವ್ಯಾಪ್ತಿಯಲ್ಲಿ ಇರುವುದು ಒಂದೇ ಟವರ್‌. ತಗ್ಗು ಪ್ರದೇಶದಲ್ಲಿ ನಿರ್ಮಿಸಿರುವ ಕಾರಣ ಈ ಟವರ್‌ ನಿಂದ ಒಂದು ಕಿ.ಮೀ. ದೂರಕ್ಕೂ ನೆಟ್‌ವರ್ಕ್‌ ಸರಿಯಾಗಿ ಸಿಗುವುದಿಲ್ಲ. ಕಳೆದ ಕೆಲವು ತಿಂಗಳಿಂದ ಈ ಎರಡೂ ಟವರ್‌ಗಳಲ್ಲಿ ಬ್ಯಾಟರಿ ಸಮಸ್ಯೆ ಇದೆ. ವಿದ್ಯುತ್‌ ಕೈಕೊಟ್ಟಾಗಲೆಲ್ಲ ಪೂರ್ತಿ ನೆಟ್‌ ವರ್ಕ್‌ ಆಫ್ ಆಗುತ್ತಿತ್ತು. ಈ ಕುರಿತು ಗ್ರಾಹಕರು ಅನೇಕ ಬಾರಿ ಅಧಿಕಾರಿಗಳಿಗೆ ದೂರು ನೀಡಿದ ಬಳಿಕ ತಾತ್ಕಾಲಿಕವಾಗಿ ಸರಿಯಾಗಿತ್ತು. ಕೆಲವು ದಿನಗಳಿಂದ ಮತ್ತೆ ಅದೇ ಸಮಸ್ಯೆ ಕಾಡುತ್ತಿದೆ.
ಪ್ರತಿಯೊಂದು ಟವರ್‌ಗೂ ಜನರೇಟರ್‌ ವ್ಯವಸ್ಥೆ ಇದೆ. ತಿಂಗಳಾಡಿ, ಮಾಡಾವು ಟವರ್‌ಗೂ ಜನರೇಟರ್‌ ಇದೆ. ಆದರೆ ವಿದ್ಯುತ್‌ ಹೋದಾಗ ಜನರೇಟರ್‌ ಚಾಲೂ ಮಾಡುವವರೇ ಇಲ್ಲ. ತಿಂಗಳಾಡಿ ಟವರ್‌ನಿಂದ 100 ಮೀಟರ್‌ ದೂರದಲ್ಲಿ, ಮಾಡಾವು ಟವರ್‌ನಿಂದ 500 ಮೀಟರ್‌ ದೂರದಲ್ಲಿ ಬಿಎಸ್ಸೆನ್ನೆಲ್‌ ಎಕ್ಸ್‌ಚೇಂಜ್‌ ಕೇಂದ್ರವಿದ್ದರೂ ಅಲ್ಲಿನ ಸಿಬಂದಿಗೆ ಟವರ್‌ನ ಬಗ್ಗೆ ಕಾಳಜಿಯೇ ಇಲ್ಲ ಎನ್ನುವುದು ಗ್ರಾಹಕರ ಆರೋಪ. ಕರೆಂಟ್‌ ಇದ್ದರೆ ನೆಟ್‌ವರ್ಕ್‌, ಇಲ್ಲದಿದ್ದರೆ ಇಲ್ಲ ಎಂಬಂತಾಗಿದೆ ಇಲ್ಲಿನ ಪರಿಸ್ಥಿತಿ. ಹೀಗಾಗಿ, ಗ್ರಾಹಕರು ಅನ್ಯ ಕಂಪೆ‌ನಿಗಳಿಗೆ ಪೋರ್ಟ್‌ ಆಗಲು ಮುಂದಾಗಿದ್ದಾರೆ.
Related Articles
ವಿದ್ಯುತ್‌ ಕೈಕೊಟ್ಟರೆ ಸಿಗ್ನಲ್‌ ಕೂಡ ಆಫ್ ಆಗುವ ಸಮಸ್ಯೆ ಹಿಂದೊಮ್ಮೆ ಇತ್ತು. ಈಗ ಒಂದು ತಿಂಗಳಿಂದ ಮತ್ತೆ ಸಮಸ್ಯೆಯಾಗುತ್ತಿದೆ. ಟವರ್‌ನಲ್ಲಿರುವ ದೋಷದ ಕುರಿತು ಅಧಿಕಾರಿಗಳಿಗೆ ನಾವು ಹೇಳಬೇಕಾಗಿಲ್ಲ. ಅವರಿಗೆ ತಾನಾಗಿಯೇ ತಿಳಿಯುತ್ತದೆ. ಆದರೂ ಸರಿಪಡಿಸುತ್ತಿಲ್ಲ.
– ರಫೀಕ್‌ ನಂಜೆ
ವ್ಯಾಪಾರಿ
Advertisement
ಗೋಪಾಲಕೃಷ್ಣ ಸಂತೋಷ್‌ನಗರ