Train ಕುಂದಾಪುರದಲ್ಲಿ ವಂದೇ ಭಾರತ್‌ ರೈಲು ನಿಲುಗಡೆ ಇಲ್ಲ

ಉಡುಪಿ: ಮಂಗಳೂರು -ಮಡ್‌ಗಾಂವ್‌ ಮಧ್ಯೆ ಸಂಚರಿಸುವ ವಂದೇ ಭಾರತ್‌ ರೈಲು ಸೇವೆಯನ್ನು ಕುಂದಾಪುರ ಭಾಗದ ಪ್ರಯಾಣಿಕರಿಗೆ ಅನುಕೂಲವಾಗುವಂತೆ ಕುಂದಾಪುರ ರೈಲು ನಿಲ್ದಾಣದಲ್ಲೂ ನಿಲುಗಡೆ ಮಾಡಬೇಕು ಎಂದು ಈ ಹಿಂದೆ ಸಲ್ಲಿಸಿದ್ದ ಮನವಿಯನ್ನು ಕೊಂಕಣ ರೈಲ್ವೆ ತಿರಸ್ಕರಿಸಿದೆ. ವಂದೇಭಾರತ್‌ ರೈಲು ಕುಂದಾಪುರ ದಲ್ಲಿ ನಿಲುಗಡೆ ನೀಡಬೇಕು.

ಇದರಿಂದ ಜಿಲ್ಲೆಯ ಪ್ರಯಾಣಿಕರಿಗೆ ಅನುಕೂಲ ವಾಗಲಿದೆ ಎಂದು ಈ ಹಿಂದೆ ಉಡುಪಿ- ಚಿಕ್ಕಮಗಳೂರು ಸಂಸದರಾಗಿದ್ದ ಶೋಭಾ ಕರಂದ್ಲಾಜೆ ಅವರು ಕೊಂಕಣ ರೈಲ್ವೇಗೆ ಪತ್ರ ಬರೆದಿದ್ದರು.

ಈ ಪತ್ರಕ್ಕೆ ಉತ್ತರಿಸಿರುವ ಕೊಂಕಣ ರೈಲ್ವೇ ಸಂತೋಷ್‌ ಕುಮಾರ್‌ ಝಾ ಅವರು, ರೈಲ್ವೇ ಬೋರ್ಡ್‌ನ ನಿರ್ಧಾರದಂತೆ ಉಡುಪಿ ಮತ್ತು ಕಾರವಾರದಲ್ಲಿ ನಿಲುಗಡೆ ಇದೆ. ಕುಂದಾಪುರದಲ್ಲಿ ನಿಲುಗಡೆ ಸಾಧ್ಯವಿಲ್ಲ ಎಂಬುದನ್ನು ಪರೋಕ್ಷವಾಗಿ ತಿಳಿಸಿದ್ದಾರೆ.