ಕಾಗೋಡು ತಿಮ್ಮಪ್ಪಗೆ ಇ ಮೇಲ್‌ ಖಾತೆಯೂ ಇಲ್ಲ!

ಸಾಗರ: ಕಂದಾಯ ಸಚಿವ ಕಾಗೋಡು ತಿಮ್ಮಪ್ಪ ಸಾಮಾಜಿಕ ಜಾಲತಾಣಗಳಲ್ಲಿ ಖಾತೆ ಹೊಂದಿಲ್ಲ. ಕೊನೇ ಪಕ್ಷ ಅವರು ತಮ್ಮದೇ ಒಂದು ಇ- ಮೇಲ್‌ ಖಾತೆಯನ್ನೂ ಹೊಂದಿಲ್ಲ. ತಮಗೆ ವಾರ್ಷಿಕ 24,70,940 ರೂ. ಆದಾಯವಿದೆ ಎಂದು ಕಾಗೋಡು ಘೋಷಿಸಿದ್ದಾರೆ.

ಅವರ ಆಶ್ರಯದಲ್ಲಿ ಕುಟುಂಬದ ಯಾವ ಸದಸ್ಯರೂ ಇಲ್ಲದಿರುವುದು ಗಮನಾರ್ಹ ಅಂಶ. ಹಿರೇನೆಲ್ಲೂರಿನ ಎಂಟು ಎಕರೆ ಕೃಷಿ ಭೂಮಿ, 52 ಲಕ್ಷ ರೂ.ಗಳಷ್ಟು ಠೇವಣಿ ಹಾಗೂ ಸಾಗರದ ಯುಟಿಕೋ ಉದ್ಯಮದಲ್ಲಿ ಅವರ 1.02 ಕೋಟಿ ರೂ. ಬಂಡವಾಳವಿದೆ. 6 ಲಕ್ಷ ರೂ.ಮೌಲ್ಯದ ಬೆಳ್ಳಿ, ಬಂಗಾರವಿದೆ.