Driverless: ದೇಶದಲ್ಲಿ ಚಾಲಕ ರಹಿತ ಕಾರಿಗೆ ಇಲ್ಲ ಅವಕಾಶ- ನಿತಿನ್‌ ಗಡ್ಕರಿ

ನಾಗಪುರ: ದೇಶದಲ್ಲಿ ಚಾಲಕ ರಹಿತ ಕಾರುಗಳಿಗೆ ಅವಕಾಶ ನೀಡುವುದಿಲ್ಲ ಎಂದು ಕೇಂದ್ರ ಸಾರಿಗೆ ಮತ್ತು ಹೆದ್ದಾರಿ ಖಾತೆ ಸಚಿವ ನಿತಿನ್‌ ಗಡ್ಕರಿ ಹೇಳಿದ್ದಾರೆ. ಆಧುನಿಕ ತಂತ್ರಜ್ಞಾನದ ಇಂಥ ವ್ಯವಸ್ಥೆಗಳಿಂದ ಚಾಲಕ ಹುದ್ದೆಗಳಿಗೆ ಕುತ್ತು ಬರುವ ಅಪಾಯ ಇದೆ. ಹೀಗಾಗಿ ತಾನು ಅಧಿಕಾರದಲ್ಲಿ ಇರುವ ವರೆಗೆ ಅದಕ್ಕೆ ಅವಕಾಶ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ನಾಗಪುರದಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ದೇಶದಲ್ಲಿ ಸದ್ಯ 40 ಲಕ್ಷ ಮಂದಿ ಚಾಲಕರು ಇದ್ದಾರೆ. ಈ ಕ್ಷೇತ್ರಕ್ಕೆ ಇನ್ನೂ 25 ಲಕ್ಷ ಮಂದಿಯ ಅಗತ್ಯವಿದೆ. ಹೀಗಾಗಿ ಕೆಲವರ ಅಗತ್ಯಕ್ಕಾಗಿ ಒಂದು ಕೋಟಿ ಉದ್ಯೋಗ ನಷ್ಟವಾಗುವುದು ತಮಗೆ ಇಷ್ಟವಿಲ್ಲ ಎಂದು ಹೇಳಿದ್ದಾರೆ.