ತೆಕ್ಕಟ್ಟೆ: ಚಲಿಸುತ್ತಿದ್ದ ಸೈಕಲ್ ಚಕ್ರಕ್ಕೆ ಸಿಲುಕಿದ ವಿದ್ಯಾರ್ಥಿನಿಯ ವೇಲ್;ತಪ್ಪಿದ ಅನಾಹುತ

ತೆಕ್ಕಟ್ಟೆ: ಉಳ್ತೂರಿನಿಂದ ತೆಕ್ಕಟ್ಟೆ ಕಡೆಗೆ ಪೋಷಕರೊಂದಿಗೆ ವಿದ್ಯಾರ್ಥಿನಿ ಸೈಕಲ್ ನ ಹಿಂಬದಿ ಸವಾರಳಾಗಿ ಬರುತ್ತಿರುವ ಸಂದರ್ಭದಲ್ಲಿ ಆಕಸ್ಮಿಕವಾಗಿ ವಿದ್ಯಾರ್ಥಿನಿಯ ಚೂಡಿದಾರ್ ವೇಲ್ ಸೈಕಲ್ ನ ಚಕ್ರಕ್ಕೆ ಸಿಲುಕಿ ಅಪಾಯದಿಂದ ಪಾರಾದ ಘಟನೆ ಜು. 9ರಂದು ತೆಕ್ಕಟ್ಟೆ ಮಲ್ಯಾಡಿ ರಸ್ತೆಯಲ್ಲಿ ಸಂಭವಿಸಿದೆ.

ಉಳ್ತೂರಿನ ಮಹಾಬಲ ದೇವಾಡಿಗ ಅವರು ತನ್ನ ಮಗಳ ವಿದ್ಯಾಭ್ಯಾಸಕ್ಕಾಗಿ ವಿದ್ಯಾರ್ಥಿ ವೇತನಕ್ಕೆ ಅರ್ಜಿ ಸಲ್ಲಿಸಲು ತೆಕ್ಕಟ್ಟೆ ಸೈಬರ್ ಸೆಂಟರ್ ಗೆ ಅಗಮಿಸುತ್ತಿರುವ ಸಂದರ್ಭದಲ್ಲಿ ಈ ಘಟನೆ‌ ಸಂಭವಿಸಿದ್ದು, ವಿದ್ಯಾರ್ಥಿನಿಯ ಸಮಯ ಪ್ರಜ್ಞೆಯಿಂದಾಗಿ ಅದೃಷ್ಟವಶಾತ್ ಸಂಭವನೀಯ ಅವಘಡ ತಪ್ಪಿದಂತಾಗಿದೆ.

ಸ್ಥಳೀಯರ ಸ್ಪಂದನೆ: ಸೈಕಲ್ ನ ಹಿಂಬದಿಯ ಚಕ್ರಕ್ಕೆ ಸಿಲುಕಿದ ವೇಲ್ ತೆಗೆಯಲು ವಿದ್ಯಾರ್ಥಿನಿಯ ಪೋಷಕರಾದ ಮಹಾಬಲ ದೇವಾಡಿಗ ಹರಸಾಹಸ ಪಡುತ್ತಿರುವ ಸಂದರ್ಭದಲ್ಲಿ ಸ್ಥಳೀಯರಾದ ಟೈಲರ್ ಸುಬ್ರಾಯ ದೇವಾಡಿಗ, ಶಶಾಂಕ್, ಸುಬ್ರಹ್ಮಣ್ಯ ಹಾಗೂ ಗಜೇಂದ್ರ ಅವರು ತುರ್ತು ಸ್ಪಂದಿಸಿ ಮಾನವೀಯತೆ ಮೆರೆದರು.