ತೆಕ್ಕಟ್ಟೆ: ಸರಣಿ ಅಪಘಾತ ವಾಹನಗಳು ಜಖಂ

ತೆಕ್ಕಟ್ಟೆ : ಪಾದಚಾರಿಯೋರ್ವರು ಕಾರಿಗೆ ಅಡ್ಡಬಂದ ಪರಿಣಾಮ ಸರಣಿ ಅಪಘಾತ ಸಂಭವಿಸಿದ ಘಟನೆ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಬುಧವಾರ ಸಂಜೆ ಸಂಭವಿಸಿದೆ.

ಕೊಮೆ ರಸ್ತೆಯಿಂದ ಸೈಕಲ್‌ನಲ್ಲಿ ಬಂದ ವಯೋವೃದ್ಧ ಪಾದಚಾರಿಯೋರ್ವರು ರಸ್ತೆ ಡಿವೈಡರ್ ಏರಿ ಏಕಾಏಕಿ ಚಲಿಸುತ್ತಿದ್ದ ಮಾರುತಿ ಆಲ್ಟೋ ಕಾರಿಗೆ ಅಡ್ಡ ಬಂದ ಪರಿಣಾಮ ಚಾಲಕನ ಸಮಯಪ್ರಜ್ಞೆಯಿಂದ ಪಾದಚಾರಿಯನ್ನು ಜೀವ ರಕ್ಷಿಸುವ ಭರದಲ್ಲಿ ಬ್ರೇಕ್ ಹಾಕಿದ್ದಾರೆ. ಅದೇ ಸಂದರ್ಭದಲ್ಲಿ ಹಿಂದಿನಿಂದ ಬರುತ್ತಿದ್ದ ಮಹೇಂದ್ರ ಟಿಯುವಿ ವಾಹನ, ಟೊಯೋಟಾ ಇಟಿಯಾಸ್ ಹಾಗೂ ಸ್ಕಾರ್ಪಿಯೊ ವಾಹನಗಳ ನಡುವೆ ಸರಣಿ ಅಪಘಾತ ನಡೆದಿದೆ. ಅಪಘಾತದಲ್ಲಿ ವಾಹನಗಳು ಜಖಂಗೊಂಡಿದ್ದು ಯಾವುದೇ ಸಾವುನೋವು ಸಂಭವಿಸಿಲ್ಲ.

ಸ್ಥಳಕ್ಕೆ ಕೋಟ ಪೊಲೀಸ್ ಠಾಣಾಧಿಕಾರಿ ನಿತ್ಯಾನಂದ ಗೌಡ ಧಾವಿಸಿ ಪರಿಶೀಲಿಸಿದ್ದಾರೆ.