ಮೂಡಬಿದಿರೆ ಸಾವಿರ ಕಂಬದ ಬಸದಿಗೆ ನುಗ್ಗಿದ ಕಳ್ಳರು

ಮೂಡಬಿದಿರೆ: ಐತಿಹಾಸಿಕ ಸಾವಿರ ಕಂಬದ ಬಸದಿಗೆ ಸೋಮವಾರ ತಡರಾತ್ರಿ ನುಗ್ಗಿದ ಕಳ್ಳರು ಬಸದಿಯ ದ್ರವ್ಯದಾನದ ಡಬ್ಬಿಯನ್ನು ಒಡೆದು ದೋಚಿದ್ದಾರೆ.

ಸಾವಿರ ಕಂಬದ ಬಸದಿಯ ಎದುರು ಬಾಗಿಲು ಒಡೆದು ಒಳ ನುಗ್ಗಿರುವ ಕಳ್ಳರು ಅಲ್ಲಿ ನೆಲದಲ್ಲಿ ಇಡಲಾಗಿದ್ದ ದ್ರವ್ಯದಾನದ ಡಬ್ಬಿಯ ಹಣವನ್ನು ದೋಚಿದ್ದಾರೆ. ಇಲ್ಲಿ ಎಷ್ಟು ಹಣವನ್ನು ದೋಚಲಾಗಿದೆ ಎಂದು ತಿಳಿದುಬಂದಿಲ್ಲ. ಉಳಿದಂತೆ ಮೂರ್ತಿಗಳಾಗಲಿ ಅಥವಾ ಬಸದಿಯ ಇತರ ವಸ್ತುಗಳಿಗೆ ಯಾವುದೇ ಹಾನಿಯಾಗಿಲ್ಲ ಎಂದು ವರದಿಯಾಗಿದೆ.

ಬಸದಿಯ ಸ್ವಾಮೀಜಿ ವಿದೇಶಕ್ಕೆ ತೆರಳಿರುವುದರಿಂದ ಹೆಚ್ಚಿನ ಮಾಹಿತಿಗಳು ಇನ್ನಷ್ಟೇ ಲಭ್ಯವಾಗಬೇಕಿದೆ. ಸ್ಥಳಕ್ಕೆ ಮೂಡಬಿದಿರೆ ಪೊಲೀಸರು, ಬೆರಳಚ್ಚು ತಜ್ನರು ಮತ್ತು ಶ್ವಾನದಳ ಬೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.