ನೀತಿ ಸಂಹಿತೆ ಉಲ್ಲಂಘನೆ ವಿವರ ಬಹಿರಂಗವಿಲ್ಲ

ಹೊಸದಿಲ್ಲಿ: ಲೋಕಸಭೆ ಚುನಾವಣೆ ಪ್ರಚಾರದ ವೇಳೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಇತರ ರಾಜಕಾರಣಿಗಳು ಮಾಡಿದ ನೀತಿ ಸಂಹಿತೆ ಉಲ್ಲಂಘನೆ ಪ್ರಕರಣ ಗಳ ವಿವರಣೆ ನೀಡಲು ಚುನಾವಣಾ ಆಯೋಗ ನಿರಾಕರಿಸಿದೆ. ಅಷ್ಟೇ ಅಲ್ಲ, ಉಲ್ಲಂಘನೆ ಪ್ರಕರಣಗಳ ದೂರು ಬಗ್ಗೆ ನಿರ್ಧಾರ ತೆಗೆದುಕೊಳ್ಳುವ ವೇಳೆ ಚುನಾವಣಾ ಆಯುಕ್ತರು ದಾಖಲಿಸಿದ ಭಿನ್ನಾಭಿಪ್ರಾಯಗಳ ಮಾಹಿತಿ ಬಹಿರಂಗಗೊಳಿಸಲೂ ಆಯೋಗ ನಿರಾಕರಿಸಿದೆ.

ಈ ಮಾಹಿತಿಯನ್ನು ನೀಡುವಲ್ಲಿ ನಮ್ಮ ಸಂಪನ್ಮೂಲದ ದುರ್ಬಳಕೆಯಾಗಲಿದೆ ಎಂಬ ಕಾರಣ ನೀಡಿ ಚುನಾವಣ ಆಯೋಗ ನಿರಾಕರಿಸಿದೆ. ಅಲ್ಲದೆ, ಇಂತಹ ಪ್ರಕರಣಗಳ ತೀರ್ಪನ್ನು ಆಯೋಗದ ವಲಯವಾರು ಕಚೇರಿಗಳು ನಿರ್ವಹಿಸುತ್ತವೆ. ಈ ಮಾಹಿತಿ ನಮ್ಮ ಬಳಿ ಲಭ್ಯವಿರುವುದಿಲ್ಲ ಎಂದೂ ಚುನಾವಣಾ ಆಯೋಗ ಆರ್‌ಟಿಐ ಅಡಿ ಸಲ್ಲಿಸಿದ ಅರ್ಜಿಗೆ ಪ್ರತಿಕ್ರಿಯಿಸಿದೆ.