ಗಾಳಿಗೆ ಮರ ಬಿದ್ದು ಹಾನಿ

ಗಂಗೊಳ್ಳಿ: ಗಂಗೊಳ್ಳಿ ಮ್ಯಾಂಗನೀಸ್‌ ರೋಡ್‌ನ‌ಲ್ಲಿ ಇರುವ ಕಿನಾರಾ ಹೆರ್‌ ಡ್ರೆಸರ್ಸ್‌ ಮೇಲೆ ಬೃಹತ್‌ ಗಾತ್ರದ ಆಲದ ಮರ ಬಿದ್ದು ಆಪಾರ ಹಾನಿ ಉಂಟಾಗಿದೆ.

ಶುಕ್ರವಾರ ಬೆಳಗ್ಗೆ ಪರಿಯಾಳ ಸಮಾಜ ಸುಧಾರಕ ಸಂಘದ ಸದಸ್ಯ ಲಕ್ಷ್ಮಣ ಮರವಂತೆ ಅವರ ಅಂಗಡಿ ಮೇಲೆ ಮರ ಬಿದ್ದಿದ್ದು ಯಾವುದೇ ಸಾವು ನೋವುಗಳು ಸಂಭವಿಸಲಿಲ್ಲ. ವಿಷಯ ತಿಳಿದು ಸಮಾಜದ ಅಧ್ಯಕ್ಷ ಮಂಜುನಾಥ್‌ ಸಾಲಿಯಾನ್‌ ತ್ರಾಸಿ, ಗೌರವ ಅಧ್ಯಕ್ಷ ಸುಜಯ್‌ ಸುವರ್ಣ ವಕ್ವಾಡಿ, ಕಾರ್ಯದರ್ಶಿ ಮಹೇಶ್‌ ಸುವರ್ಣ ಆರಾಟೆ ಹಾಗೂ ಸಂತೋಷ್‌ ಬಸೂÅರು ಮೊದಲಾದವರು ಭೇಟಿ ನೀಡಿದರು. ಸುಮಾರು 30 ಸಾವಿರಕ್ಕೂ ಹೆಚ್ಚು ನಷ್ಟ ಸಂಭವಿಸಿದೆ ಎಂದು ಅಂದಾಜಿಸಲಾಗಿದೆ.