Advertisement
ಕಾಂಗ್ರೆಸ್‌ ಶಾಸಕರ ಗದ್ದಲದ ನಡುವೆಯೇ ವಿಶೇಷ ಚರ್ಚೆಗೆ ಅವಕಾಶ ನೀಡಿದ ಅವರು, ಭಾರತ ಜಗತ್ತಿನಲ್ಲಿಯೇ ಅತ್ಯಂತ ದೊಡ್ಡ ಸಂವಿಧಾನವನ್ನು ಹೊಂದಿದೆ. ಎಲ್ಲ ಧರ್ಮ, ಜಾತಿ, ವಿಭಿನ್ನ ವರ್ಗಗಳು, ಭಾಷೆಗಳನ್ನು ಈ ದೇಶ ಒಳಗೊಂಡಿದೆ. ಬ್ರಿಟನ್‌ ಹಾಗೂ ಅಮೆರಿಕದ ಸಂವಿಧಾನಗಳು ಭಾರತದ ಸಂವಿಧಾನ ರಚನೆಗೆ ಪೂರಕವಾಗಿ ಅನೇಕ ವಿಷಯಗಳನ್ನು ಒದಗಿಸಿವೆ.
Related Articles
Advertisement
ಹಿಂದಿ ಅಧಿಕೃತ ಭಾಷೆ: ಭಾರತ ಸ್ವಾತಂತ್ರ್ಯ ಗೊಂಡ ನಂತರ ಬಹುಸಂಖ್ಯಾತ ಜನರು ಬಳಸುವ ಹಿಂದಿ ಭಾಷೆ, ಭಾರತೀಯ ಅಧಿಕೃತ ಭಾಷೆಯಾಗಿ ಅಂಗೀಕರಿಸಲ್ಪಟ್ಟಿತು. ಸಂವಿಧಾ ನದ 343ರಿಂದ 351ರ ವರೆಗಿನ ಅನುಚ್ಛೇದವು ಅಧಿಕೃತ ಭಾಷೆ, ಪ್ರಾದೇಶಿಕ ಭಾಷೆಗಳಿಗೆ ಸಂಬಂ ಧಿಸಿದ ಗೊತ್ತು ಗುರಿಗಳನ್ನು ವಿವರಿಸು ತ್ತದೆ. 3 ಸಾವಿರಕ್ಕಿಂತಲೂ ಹೆಚ್ಚು ಉಪ ಭಾಷೆಗಳಿವೆ. ಇದು ದೇಶದ ಬಹುಭಾಷಾ ಸಾಂಸ್ಕೃತಿಕ ವೈವಿಧ್ಯತೆಯನ್ನು ತೋರಿಸುತ್ತದೆ ಎಂದರು.
ನಮ್ಮ ಸಂವಿಧಾನ ಸ್ವತಂತ್ರ ಮಾಧ್ಯಮ, ಪತ್ರಿಕಾವೃಂದ ಸರ್ಕಾರದ ನಾಲ್ಕನೇ ಅಂಗ ಎಂದು ಪ್ರಖ್ಯಾತವಾಗಿದೆ. ನಮ್ಮ ಗ್ರಾಮೀಣ ಸಂಸ್ಕೃತಿ ಅಪಾಯದ ಅಂಚಿನಲ್ಲಿದ್ದು, ಗ್ರಾಮ ಸಂಸ್ಕೃತಿ ಉಳಿಸಿಕೊಳ್ಳಬೇಕಾದ ತುರ್ತು ಕೆಲಸವಾಗಬೇಕಿದೆ ಎಂದರು.
ಸಂವಿಧಾನದ ಮೇಲಿನ ಚರ್ಚೆಯ ಸಂದರ್ಭದಲ್ಲಿಯೇ ಕಾಂಗ್ರೆಸ್‌ನವರು ಯಾವ ರೀತಿ ನಡೆದುಕೊಳ್ಳುತ್ತಿದ್ದಾರೆ ಎಂಬುದನ್ನು ರಾಜ್ಯದ ಜನ ನೋಡುತ್ತಿದ್ದಾರೆ. ನಿಮ್ಮ ನಡವಳಿಕೆಯ ಬಗ್ಗೆ ರಾಜ್ಯದ ಜನರು ಮುಂದಿನ ದಿನಗಳಲ್ಲಿ ತೀರ್ಮಾನ ಮಾಡುತ್ತಾರೆ.-ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನಸಭಾಧ್ಯಕ್ಷ