ಐಎಂಎ ಜ್ಯುವೆಲ್ಲರಿಯ ಎರಡನೇ ಮಳಿಗೆ ಜಯನಗರದಲ್ಲಿ ಶುಭಾರಂಭ

ಬೆಂಗಳೂರು: ಐಎಂಎ ಜ್ಯುವೆಲ್ಲರಿಯ ಎರಡನೇ ಮಳಿಗೆಯನ್ನು ಗೃಹಸಚಿವ ರಾಮಲಿಂಗಾರೆಡ್ಡಿ, ನಗರಾಭಿವೃದ್ಧಿ ಸಚಿವ ರೋಷನ್‌ ಬೇಗ್‌, ಕಾಂಗ್ರೆಸ್‌ ಮುಖಂಡರಾದ ಸೌಮ್ಯರೆಡ್ಡಿಯವರು ಗುರುವಾರ  ಜಯನಗರದ 4ನೇ ಹಂತದಲ್ಲಿ ಉದ್ಘಾಟಿಸಿದರು.

ಈಗಾಗಲೇ ಶಿವಾಜಿನಗರದಲ್ಲಿ ಚಿನ್ನಾಭರಣ ಮಳಿಗೆ ತೆರೆದಿರುವ ಐಎಂಎ ಜ್ಯುವೆಲ್ಲರಿಗೆ ಗ್ರಾಹಕರ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ. ಇದರ ಮುಂದುವರಿದ ಭಾಗವಾಗಿ ನಗರದ ಜನತೆಗೆ ವಿವಿಧ ವಿನ್ಯಾಸ ಹಾಗೂ ಮಾದರಿಯ ಚಿನ್ನಾಭರಣವನ್ನು ಒದಗಿಸಲು ಜಯನಗರದಲ್ಲಿ ಎರಡನೇ ಮಳಿಗೆ ತೆರೆದಿದೆ.

ಮಹಿಳೆಯರಿಗೆ ಬೇಕಾದ ಹೊಸ ಮತ್ತು ಸಾಂಪ್ರದಾಯಿಕ ವಿನ್ಯಾಸದ ಚಿನ್ನಾಭರಣಗಳ ಜತೆಗೆ ಮದುವೆ ಕಲೆಕ್ಷನ್ಸ್‌, ಸಮಾರಂಭಗಳಿಗೆ ಧರಿಸುವ ಚಿನ್ನಾಭರಣ ಇಲ್ಲಿದೆ. 3 ಅಂತಸ್ತಿನ ಮಳಿಗೆಯಲ್ಲಿ 1500 ಕೆ.ಜಿ.ಚಿನ್ನಾಭರಣ, 20 ಸಾವಿರಕ್ಕೂ ಹೆಚ್ಚು  ವೆರೈಟಿ ಡೈಮಂಡ್‌ಗಳನ್ನ ಪ್ರದರ್ಶಿಸಲಾಗಿದೆ.

ಸೆಮಿ ಆಂಟಿಕ್‌, ನ್ಯೂ ಡಿಸೈನ್‌ ಸೇರಿ ಹಲವು ಬಗೆಯ ಚಿನ್ನಾಭರಣಗಳ ಸಖತ್‌ ಕಲೆಕ್ಷನ್‌ ಐಎಂಎ ಮಳಿಗೆಯಲ್ಲಿದೆ. ಮಳಿಗೆ ಉದ್ಘಾಟನೆಯ ಅಂಗವಾಗಿ ಗ್ರಾಹಕರಿಗೆ ಉತ್ತಮ ಆಫ‌ರ್‌ ನೀಡಲಾಗಿದೆ. ಉದ್ಘಾಟನೆ ಸಂದರ್ಭದಲ್ಲಿ ಐಎಂಎ ಗ್ರೂಪ್‌ ಮಾಲೀಕರಾದ ಮೊಹಮ್ಮದ್‌ ಮಸೂದ್‌ ಖಾನ್‌, ಮೊದಲಾದವರು ಉಪಸ್ಥಿತರಿದ್ದರು.