ಹೈದರಾಬಾದ್: ಪ್ರಭಾಸ್‌ (Prabhas) ಅವರ “ದಿ ರಾಜಾಸಾಬ್‌” ( The Raja Saab) ಸಿನಿಮಾದ ಮೋಷನ್‌ ಪಿಕ್ಚರ್‌ ರೆಬೆಲ್‌ ಸ್ಟಾರ್ ಹುಟ್ಟುಹಬ್ಬಕ್ಕೆ ರಿಲೀಸ್‌ ಆಗಿದೆ.
ʼಸಲಾರ್‌ʼ, ʼಕಲ್ಕಿʼ ಸಿನಿಮಾಗಳ ದೊಡ್ಡ ಯಶಸ್ಸಿನ ಬಳಿಕ ಪ್ರಭಾಸ್‌ ಹಾರಾರ್‌ ಕಾಮಿಡಿ ʼದಿ ರಾಜಾಸಾಬ್‌ʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈಗಾಗಲೇ ಸಿನಿಮಾ ಫಸ್ಟ್‌ ಲುಕ್‌ ಪೋಸ್ಟರ್‌ ರಿಲೀಸ್‌ ಆಗಿದ್ದು, ಪ್ರಭಾಸ್‌ ಲುಕ್‌ ನೋಡಿ ಪ್ರೇಕ್ಷಕರಲ್ಲಿ ಕುತೂಲಹ ಹೆಚ್ಚಾಗಿದೆ.
ಇದನ್ನೂ ಓದಿ: Toxic Movie: ‘ಟಾಕ್ಸಿಕ್ʼ ರಿಲೀಸ್‌ ಡೇಟ್‌ ಮುಂದೂಡಿಕೆ ಅಧಿಕೃತ; ಯಶ್‌ ಹೇಳಿದ್ದೇನು?
ಮಾರುತಿ ನಿರ್ದೇಶನ ಮಾಡಿರುವ ಈ ಸಿನಿಮಾದ ಮೋಷನ್‌ ಪಿಕ್ಚರ್‌ ಪ್ರಭಾಸ್‌ ಅವರ ಹುಟ್ಟುಹಬ್ಬಕ್ಕೆ ರಿವೀಲ್‌ ಆಗಿದೆ.
ದಟ್ಟ ಕಾಡಿನೊಳಗೆ ನಿಗೂಢವಾಗಿರುವ ಅರಮನೆಯಲ್ಲಿ ರಾಜ ಸಿಂಹಾಸನದಲ್ಲಿ ಧೂಮಪಾನ ಮಾಡುವ ಲುಕ್‌ ನಲ್ಲಿ ಪ್ರಭಾಸ್‌ ಕಾಣಿಸಿಕೊಂಡಿದ್ದಾರೆ. ಹೆಜ್ಜೆ ಹೆಜ್ಜೆಗೂ ಕುತೂಹಲ ಹುಟ್ಟಿಸುವ ಬಿಜಿಎಂ ಹಿನ್ನೆಲೆಯೊಂದಿಗೆ ಮೋಷನ್‌ ಪಿಕ್ಚರ್‌ ಮೂಡಿಬಂದಿದೆ. ‘Horror is the New Humor’ ಎಂದು ಮೋಷನ್‌ ಪಿಕ್ಚರ್‌ನಲ್ಲಿ ಬರೆಯಲಾಗಿದೆ.
ನಿಧಿ ಅಗರ್‌ ವಾಲ್, ಮಾಳವಿಕಾ ಮೋಹನ್, ರಿದ್ಧಿ ಕುಮಾರ್, ಸಂಜಯ್ ದತ್, ಅನುಪಮ್ ಖೇರ್, ಮುರಳಿ ಶರ್ಮಾ, ವರಲಶ್ಮಿ ಸಾರಥಿಕುಮಾರ್, ಜಿಶು ಸೆಂಗುಪ್ತ, ಬ್ರಹ್ಮಾನಂದಂ ಮತ್ತು ಯೋಗಿ ಬಾಬು ಮುಂತಾದವರು ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಈ ಚಿತ್ರ ಏಪ್ರಿಲ್‌ 10, 2025ರಂದು ತೆರೆಕಾಣಲಿದೆ. ಚಿತ್ರತಂಡ ಪ್ರಭಾಸ್‌ ಅವರ ಹೊಸ ಲುಕ್‌ ಮೂಲಕ ಡೇಟ್‌ ಅನೌನ್ಸ್‌ ಮಾಡಿದೆ.
ಬರೀ ತೆಲುಗಿನಲ್ಲಷ್ಟೇ ಅಲ್ಲದೆ, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿಯಲ್ಲಿಯೂ ರಾಜಾಸಾಬ್‌ ಸಿನಿಮಾ ಬಿಡುಗಡೆ ಆಗಲಿದೆ.
