ಪ್ರಧಾನಿ ತಾಯಿಯನ್ನು ಭೇಟಿ ಮಾಡಿದ ರಾಷ್ಟ್ರಪತಿ

ಅಹಮದಾಬಾದ್‌: ಎರಡು ದಿನಗಳ ಗುಜರಾತ್‌ ಪ್ರವಾಸದಲ್ಲಿರುವ ರಾಷ್ಟ್ರಪತಿ ರಾಮನಾಥ ಕೋವಿಂದ್‌ ಅವರು ರೈಸಾನಾ ಗ್ರಾಮದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರ ತಾಯಿ ಹೀರಾಬಾ ಅವರನ್ನು ಭೇಟಿ ಮಾಡಿದರು.

ಎರಡನೇ ದಿನ ಅವರು ಪತ್ನಿ ಸವಿತಾ ಕೋವಿಂದ್‌ ಅವರೊಂದಿಗೆ ಮೋದಿ ಅವರ ಸಹೋದರ ವಾಸವಿರುವ ಮನೆಗೆ ಭೇಟಿ ನೀಡಿದರು. ಮೋದಿ ಅವರ ಕಿರಿಯ ಸಹೋದರ ಪಂಕಜ್‌ ಅವರೊಂದಿಗೆ ಹೀರಾಬಾ ಅವರು ವಾಸಿಸುತ್ತಿದ್ದಾರೆ. ರಾಷ್ಟ್ರಪತಿ ಅಲ್ಲಿ ಅರ್ಧಗಂಟೆ ಕ್ಷೇಮ ಸಮಾಚಾರ ಮಾತುಕತೆ ನಡೆಸಿ ಬಳಿಕ ಸನಿಹದ ಜೈನ ಮಂದಿರಕ್ಕೆ ಭೇಟಿ ನೀಡಿದರು. ಗ್ರಾಮಕ್ಕೆ ಆಗಮಿಸಿದ ರಾಷ್ಟ್ರಪತಿ ಅವರನ್ನು ಗುಜರಾತ್‌ ಮುಖ್ಯಮಂತ್ರಿ ವಿಜಯ್‌ ರೂಪಾನಿ ಅವರು ಸ್ವಾಗತಿಸಿದರು.