Advertisement
ಭೂಮಿಯ ಮೇಲಿನ ಅತ್ಯಂತ ಶೀತ ಸ್ಥಳವಾದ ಅಂಟಾರ್ಟಿಕಾವನ್ನು ಈಗ ವಿಶ್ವದ ಸುರಕ್ಷಿತ ಸ್ಥಳ ಎಂದು ಪರಿಗಣಿಸಲಾಗಿದೆ. ಐಷರಾಮಿ ಪ್ರಯಾಣಿಕ ಹಡಗುಗಳಲ್ಲಿ ಕೋವಿಡ್ ಸೋಂಕಿತರು ಇರುವುದು ಪತ್ತೆಯಾದ ಬಳಿಕ ಅಂಟಾರ್ಟಿಕಾದಲ್ಲಿ ಸೋಂಕು ಹರಡುವ ಸಾಧ್ಯತೆ ಹೆಚ್ಚು ಎಂದು ಭಾವಿಸಲಾಗಿತ್ತು. ಆದರೆ ವೈರಸ್‌ ಅಂಟಾರ್ಟಿಕಾದ ಕಡು ಶೀತದ ತೀರವನ್ನು ತಲುಪಲು ವಿಫ‌ಲವಾಗಿದೆ. ಅಂಟಾರ್ಟಿಕಾದಲ್ಲಿ ಖಾಯಂ ನಿವಾಸಿಗಳೆಂದು ಯಾರೂ ಇಲ್ಲ. ಇಲ್ಲಿರುವವರೆಂದರೆ ಪೆಂಗ್ವಿನ್‌ಗಳು, ತಿಮಿಂಗಿಲಗಳು, ಕಡಲು ಕೋಳಿಗಳು ಮಾತ್ರ.
Related Articles
ಇಲ್ಲಿಗೆ ಈ ವರ್ಷದ ಆರಂಭದಲ್ಲೇ ಪ್ರವಾಸಿಗರನ್ನು ನಿರ್ಬಂಧಿಸಿ ಪ್ರವಾಸಿಗರ ಮೂಲಕ ವೈರಸ್‌ ಹರಡುವುದನ್ನು ತಡೆಯಲು ಲಾಕ್‌ಡೌನ್‌ ಹೇರಲಾಗಿತ್ತು. ಅಂಟಾರ್ಟಿಕ್‌ ಕ್ರೂಸ್‌ ಹಡಗಿನಲ್ಲಿದ್ದ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್‌ನ ಪ್ರಯಾಣಿಕರನ್ನು ಸ್ಥಳಾಂತರಿಸಲಾಗಿತ್ತು. ಇವರಲ್ಲಿ ಶೇ. 60ರಷ್ಟು ಮಂದಿಯಲ್ಲಿ ಕೋವಿಡ್ ಪಾಸಿಟಿವ್‌ ಪತ್ತೆಯಾಗಿತ್ತು.
Advertisement
ದಕ್ಷಿಣ ಧ್ರುವದ ಸುತ್ತ ವ್ಯಾಪಿಸಿರುವ , 60 ಡಿಗ್ರಿ ದಕ್ಷಿಣ ಅಕ್ಷಾಂಶದೊಳಗಿರುವ ಹಿಮಾವೃತ ಖಂಡ ಇದಾಗಿದೆ. ಅಂಟಾರ್ಟಿಕದ ಸುತ್ತ ಸಮುದ್ರವೇ ಇದೆ. ಹಾಗೆಂದು ಇದು ಪ್ರತ್ಯೇಕ ಜಲರಾಶಿಯಲ್ಲ. ಹಿಂದೂ ಮಹಾಸಾಗರ, ಪೆಸಿಫಿಕ್‌ ಸಾಗರ ಹಾಗೂ ಅಂಟ್ಲಾಂಟಿಕ ಸಾಗರ ಒಂದುಗೂಡಿರುವ ಭಾಗ. ಸಾಗರದಲ್ಲಿ ಪಶ್ಚಿಮಾಭಿಮುಖವಾಗಿ ಬೀಸುವ ಗಾಳಿ, ಪ್ರದಕ್ಷಿಣಾ ಪಥವನ್ನೂ, ಖಂಡದ ಮೇ ಲೆ ಪೂರ್ವಾಭಿಮುಖವಾಗಿ ಬೀಸುವ ಗಾಳಿ ಅಪ್ರದಕ್ಷಿಣಾ ಪಥದ ಮೂಲಕ ಬೀಸುವುದರಿಂದ ಇವುಗಳ ಸಂಗಮ ಭಾಗ ದಕ್ಷಿಣ ಸಾಗರದಲ್ಲಿ ಪ್ರಕ್ಷುಬ್ಧ ಅಲೆಗಳನ್ನು ಏಳಿಸುತ್ತದೆ. ಹವಾಮಾನವೂ ಇತರ ಭೂ ಭಾಗಗಳಿಗಿಂತ ತುಂಬಾ ಭಿನ್ನವಾಗಿರುವ ಹಿನ್ನೆಲೆಯಲ್ಲಿ ಇಲ್ಲಿ ವರ್ಷದ ಕೆಲವೇ ತಿಂಗಳು ಮಾತ್ರ ಜನ ವಾಸಕ್ಕೆ ಅನುಕೂಲವಾಗಿರುವ ವಾತಾವರಣವಿರುತ್ತದೆ.