Crime: ವಿಳಾಸ ಹುಡುಕಲು ಸಹಾಯ ಕೇಳಿದವನಿಗೆ ಚಾಕು ಇರಿತ !

ನವದೆಹಲಿ: ಆಹಾರ ವಿತರಣೆಗಾಗಿ ವಿಳಾಸ ಹುಡುಕಲು ಸಹಾಯ ಕೇಳಿದ್ದ ಡೆಲಿವರಿ ಏಜೆಂಟ್‌ ಮೇಲೆ ಮಹಿಳೆಯೊಬ್ಬರು ಏಕಾಏಕಿ ಚಾಕುವಿನಿಂದ ಇರಿದು, ಹಲ್ಲೆನೆಡೆಸಿರುವ ವಿಚಿತ್ರ ಘಟನೆ ರಾಷ್ಟ್ರರಾಜಧಾನಿ ನವದೆಹಲಿಯಲ್ಲಿ ನಡೆದಿದೆ. ದ್ವಾರಕಾನಗರದ ಸೆಕ್ಟರ್‌ 23ರಲ್ಲಿ ಡೆಲಿವರಿ ಏಜೆಂಟ್‌ ಮೇಲೆ

ಮಹಿಳೆ ಚಾಕುವಿನಿಂದ ಹಲ್ಲೆ ನಡೆಸಿ, ಆತನ ಗಾಡಿಯನ್ನೂ ಬೀಳಿಸಿ, ಇಟ್ಟಿಗೆ- ಕೋಲಿನಿಂದಲೂ ದಾಳಿ ನಡೆಸಿದ್ದಾರೆ. ಸ್ಥಳೀಯರು ಗುಂಪು ಸೇರಿದರೂ ಮಹಿಳೆ ಜಗ್ಗದಿದ್ದಾಗ ಪೊಲೀಸರಿಗೆ ಮಾಹಿತಿ ನೀಡಲಾಯಿತು. ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದ ಪೊಲೀಸರ ಮೇಲೆಯೂ ಆ ಮಹಿಳೆ ಹಲ್ಲೆ ನಡೆಸಿದ್ದಾರೆ. ನಂತರ ಆಕೆಯನ್ನು ಬಂಧಿಸಿ ಪೊಲೀಸರು ಕರೆದೊಯ್ದಿದ್ದಾರೆ.