ನೂತನ ಉದ್ಯಾನವನ ಉದ್ಘಾಟನೆ

ಹುಬ್ಬಳ್ಳಿ: ಇಲ್ಲಿನ ಎಸ್‌.ಎಂ.ಕೃಷ್ಣ ನಗರ ಈ ಹಿಂದೆ ಕೊಳಗೇರಿಯಂತಿದ್ದು, ಇದೀಗ ಅಭಿವೃದ್ಧಿ ಯೋಜನೆಗಳಿಂದ ಎಲ್ಲರ ಗಮನ ಸೆಳೆಯುವಂತಾಗಿದೆ ಎಂದು ಶಾಸಕ ಪ್ರಸಾದ ಅಬ್ಬಯ್ಯ ಹೇಳಿದರು. ಎಸ್‌.ಎಂ.ಕೃಷ್ಣ ನಗರದಲ್ಲಿ 16 ಲಕ್ಷ ರೂ.ವೆಚ್ಚದಲ್ಲಿ ನಿರ್ಮಿಸಿದ ನೂತನ ಉದ್ಯಾನವನ ಉದ್ಘಾಟಿಸಿ ಅವರು ಮಾತನಾಡಿದರು. 

ಸುಮಾರು 10 ಕೋಟಿ ರೂ. ಗೂ ಹೆಚ್ಚಿನ ಅನುದಾನದೊಂದಿಗೆ ಎಸ್‌.ಎಂ.ಕೃಷ್ಣ ನಗರವನ್ನು ಮಾದರಿ ಪ್ರದೇಶವನ್ನಾಗಿಸಲಾಗಿದೆ. ಕುಡಿಯುವ ನೀರು, ಕಾಂಕ್ರೀಟ್‌ ರಸ್ತೆ, ಗಟಾರು, ಬೀದಿದೀಪ, ಉದ್ಯಾನವನ, ಸ್ಮಶಾನ, ಸಮುದಾಯ ಭವನ ಹೀಗೆ ಹಲವಾರು ಸೌಲಭ್ಯಗಳನ್ನು ಹಂತ ಹಂತವಾಗಿ ಮಾಡಲಾಗಿದ್ದು ಇದೀಗ ಎಸ್‌.ಎಂ.ಕೃಷ್ಣ ನಗರ ಅಭಿವೃದ್ಧಿ ಹೊಂದಿದ ನಗರವೆಂದರೂ ತಪ್ಪಾಗಲಾರದು ಎಂದರು. 

ಹುಡಾ ಅಧ್ಯಕ್ಷ ಅನ್ವರ್‌ ಮುಧೋಳ ಮಾತನಾಡಿ, ಈ ಭಾಗದಲ್ಲಿ ಹೈಮಾಸ್ಟ್‌, ಉದ್ಯಾನವನ, ಸ್ಮಶಾನ ಅಭಿವೃದ್ಧಿಗೆ ಹುಡಾದಿಂದ ಅನುದಾನ ನೀಡುವುದಾಗಿ ಭರವಸೆ ನೀಡಿದರು. ಪಾಲಿಕೆ ಸದಸ್ಯರಾದ ಅಲ್ತಾಫ ಕಿತ್ತೂರ, ವಿಜನಗೌಡ ಪಾಟೀಲ, ಹುಡಾ ಸದಸ್ಯ ಪ್ರಭು ಪ್ರಭಾಕರ, ಮುತುವಲ್ಲಿ ಬಾಬಾಜಾನ ಕಾರಡಗಿ, 

-ಕೆಪಿಸಿಸಿ ಕಾರ್ಯದರ್ಶಿ ರಾಜಶೇಖರ ಮೆಣಸಿನಕಾಯಿ, ಮುಖಂಡರಾದ ಇರ್ಷಾದ ಬ್ಯಾಹಟ್ಟಿ, ಬಾಬಾಜಾನ ಮುಧೋಳ, ಕಾಳುಸಿಂಗ್‌ ಚವ್ಹಾಣ, ಕುಮಾರ ಕುಂದನಹಳ್ಳಿ, ಹುಡಾ ಆಯುಕ್ತ ನಿಂಗಪ್ಪ ಕುಮ್ಮಣ್ಣವರ, ಅಧಿ ಕಾರಿಗಳಾದ ಕರ್ಣಾಕರ, ಆರ್‌. ಎಸ್‌. ಪಾಟೀಲ, ಬಸಣ್ಣ ದೇವಗಿರಿ, ಮುರಳಿ, ಗುತ್ತಿಗೆದಾರ ಅಣ್ಣಿಗೇರಿ ಇನ್ನಿತರರು ಇದ್ದರು.