Kumble: ಕುಂಬಳೆಯಿಂದ ಕಾಣೆಯಾದ ಬಾಲಕ ತಿರೂರಿನಲ್ಲಿ ಪತ್ತೆ

ಕುಂಬಳೆ: ಪ್ಲಸ್‌ ವನ್‌ಗೆ ಸೀಟು ಲಭಿಸದ ಕಾರಣಕ್ಕೆ ಊರುಬಿಟ್ಟ ಕುಂಬಳೆ ಪೊಲೀಸ್‌ ಠಾಣೆ ವ್ಯಾಪ್ತಿಯ 15ರ ಹರೆಯದ ಬಾಲಕನನ್ನು ತಿರೂರಿನಲ್ಲಿ ಪತ್ತೆಹಚ್ಚಲಾಗಿದೆ.

ಬಾಲಕ ಜು. 12ರಂದು ಮಧ್ಯಾಹ್ನ ನಾಪತ್ತೆಯಾಗಿರುವುದಾಗಿ ಮನೆಯವರು ಕುಂಬಳೆ ಪೊಲೀಸರಿಗೆ ದೂರು ನೀಡಿದ್ದರು. ಪೊಲೀಸರು ಎಲ್ಲ ಠಾಣೆಗಳಿಗೆ ಮಾಹಿತಿ ರವಾನಿಸಿದ್ದರು. ತಿರೂರಿನಲ್ಲಿ ಅಪರಿಚಿತ ಬಾಲಕನನ್ನು ಕಂಡ ರಿಕ್ಷಾ ಚಾಲಕರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಪೊಲೀಸರು ಬಾಲಕನನ್ನು ವಿಚಾರಿಸಿದಾಗ ಪ್ಲಸ್‌ ವನ್‌ಗೆ ಸೀಟು ಸಿಗದ ಕಾರಣ ಊರು ಬಿಟ್ಟಿರುವುದಾಗಿ ಹೇಳಿದ್ದ. ಆತನನ್ನು ಕುಂಬಳೆಗೆ ಕರೆತರಲಾಗಿದೆ.