ಕಂಪನಿ ಚಿನ್ಹೆಗಳ ಹಿಂದಿನ ಅರ್ಥ

* ಡಿಸೈನರ್‌ ದಿರಿಸು ತಯಾರಕ ಸಂಸ್ಥೆ “ಲಾಕೋಸ್ಟೆ’ಯ ಮಾಲೀಕ ರೀನ್‌ ಲಾಕೋಸ್ಟೆ, ಮೊಸಳೆಯ ಚರ್ಮದಿಂದ ಮಾಡಿದ ಸೂಟ್‌ಕೇಸನ್ನು ತಮ್ಮ ಜೊತೆಗೆ ಒಯ್ಯುತ್ತಿದ್ದರು. ಅದಕ್ಕಾಗಿ ಅವರನ್ನು ಮಾಧ್ಯಮಗಳು “ಅಲಿಗೇಟರ್‌ ‘(ಮೊಸಳೆ)  ಎಂಬ ಅಡ್ಡಹೆಸರಿನಿಂದ ತಮಾಷೆ ಮಾಡುತ್ತಿದ್ದವು. ಮುಂದೆ ಲಾಕೋಸ್ಟೆ ಎಂಬ ಸಂಸ್ಥೆ ಪ್ರಾರಂಭಿಸಿದಾಗ, ಮೊಸಳೆಯ ಚಿತ್ರವನ್ನೇ ಲೋಗೋವನ್ನಾಗಿಸಿದರು ರೀನ್‌.

* “ಸಿಸ್ಕೊ’ ತಂತ್ರಜ್ಞಾನ ಸಂಸ್ಥೆಯ ಲೋಗೋದಲ್ಲಿ ಗೆರೆಗಳನ್ನು ಕಾಣಬಹುದು. ಈ ಗೆರೆಗಳು, ಸ್ಯಾನ್‌ಫ್ರಾನ್ಸಿಸ್ಕೋ ನಗರದಲ್ಲಿರುವ ಜಗದ್ವಿಖ್ಯಾತ ಗೋಲ್ಡನ್‌ ಗೇಟ್‌ ಸೇತುವೆಯನ್ನು ಪ್ರತಿನಿಧಿಸುತ್ತವೆ. ಸಂಸ್ಥೆಯ ಸ್ಥಾಪಕರು, ಸಂಸ್ಥೆ  ಪ್ರಾರಂಭಿಸುವ ದಿನ ಗೋಲ್ಡನ್‌ ಗೇಟ್‌ ಸೇತುವೆಯನ್ನು ಹಾದು ಹೋಗುತ್ತಿರುವಾಗ, ಅದನ್ನೇ  ಲೋಗೋವನ್ನಾಗಿಸಬೇಕೆಂಬ ವಿಚಾರ ಅವರಲ್ಲಿ ಮೂಡಿತ್ತು.