ಕರಾವಳಿಯಲ್ಲಿ  ಗರಿಷ್ಠ ತಾಪ ಏರಿಕೆ

ಮಂಗಳೂರು: ಕರಾವಳಿಯಲ್ಲಿ ಗರಿಷ್ಠ ಉಷ್ಣಾಂಶ ಏರಿಕೆಯಾಗುತ್ತಿದೆ. ಪಣಂಬೂರಿನಲ್ಲಿ ಶುಕ್ರವಾರ 38 ಡಿ.ಸೆ. ಗರಿಷ್ಠ ಮತ್ತು 23 ಡಿ.ಸೆ. ಕನಿಷ್ಠ ತಾಪಮಾನ ದಾಖಲಾಗಿದ್ದು, ಮಂಗಳೂರು ವಿಮಾನ ನಿಲ್ದಾಣದಲ್ಲಿ 37.2 ಡಿ.ಸೆ. ಗರಿಷ್ಠ ಮತ್ತು 22 ಡಿ.ಸೆ. ಕನಿಷ್ಠ ದಾಖಲಾಗಿದೆ. ಇದು ಈ ತಿಂಗಳ ಅತೀ ಹೆಚ್ಚಿನ ತಾಪಮಾನ.

ಕರಾವಳಿಯಲ್ಲಿ ಶುಕ್ರವಾರ ಬಿಸಿಗಾಳಿ ಬೀಸುತ್ತಿತ್ತು. ಗರಿಷ್ಠ ಉಷ್ಣಾಂಶದಲ್ಲಿ ದಿನೇದಿನೇ ಏರಿಕೆಯಾಗುತ್ತಿದ್ದು, ಫೆ.20ರಂದು 37.3 ಡಿ.ಸೆ. ಗರಿಷ್ಠ ಮತ್ತು 27.4 ಕನಿಷ್ಠ, ಫೆ.21ರಂದು 36.2 ಡಿ.ಸೆ. ಗರಿಷ್ಠ ಮತ್ತು 21.9 ಕನಿಷ್ಠ ಉಷ್ಣಾಂಶ ದಾಖಲಾಗಿತ್ತು. ಫೆಬ್ರವರಿ ತಿಂಗಳಿನಲ್ಲಿ ಇದುವರೆಗೆ ದಾಖಲಾದ ಗರಿಷ್ಠ ಉಷ್ಣಾಂಶ 2017ರದ್ದಾಗಿದ್ದು, ಫೆ.16ರಂದು 38.7 ಡಿ.ಸೆ. ದಾಖಲಾಗಿತ್ತು. 1972ರ ಫೆ.16ರಂದು 17.5 ಡಿ.ಸೆ. ಕನಿಷ್ಠ ಉಷ್ಣಾಂಶ ದಾಖಲಾಗಿತ್ತು.

ಕಾರಣವೇನು?
ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರ ವಿಜ್ಞಾನಿ ಗವಾಸ್ಕರ್‌ ಸಾಂಗ ಹೇಳುವಂತೆ, ಚಳಿಗಾಲದಿಂದ ಬೇಸಿಗೆಗೆ ಬದಲಾಗುವ ಸಂದರ್ಭದಲ್ಲಿ ಉಷ್ಣಾಂಶ ಏರಿಳಿತವಾಗುತ್ತದೆ. ಅದೇ ರೀತಿ ಈ ಬಾರಿ ಗರಿಷ್ಠ ಮತ್ತು ಕನಿಷ್ಠ ಉಷ್ಣಾಂಶದಲ್ಲಿ ಏರಿಳಿತವಾಗಿದೆ.