ವರನ ಅಪಹರಣ: ಮದುವೆ ಮನೆಯಿಂದಲೇ ಕಿಡ್ನಾಪ್‌ ಮಾಡಿದ ಯುವತಿ

ಬುಂದೇಲ್‌ಖಂಡ: ಪ್ರೀತಿಸಿದ ಹುಡುಗ ತನಗೆ ಕೈಕೊಟ್ಟು ಬೇರೊಂದು ಮದುವೆ ಮಾಡಿಕೊಳ್ಳಲು ಸಿದ್ಧನಾದರೆ ಮೋಸಹೋದ ಹುಡುಗಿ ಏನು ಮಾಡುತ್ತಾಳೆ? ಈ ಪ್ರಶ್ನೆಗೆ ನೀವು ಕೊಡುವ ಎಲ್ಲ ಉತ್ತರಗಳಿಗಿಂತಲೂ ಹೊರತಾದ ಘಟನೆಯೊಂದು ಉತ್ತರಪ್ರದೇಶದಲ್ಲಿ ನಡೆದಿದೆ.

ಬುಂದೇಲ್‌ಖಂಡದಲ್ಲಿ ಯುವತಿಯೊಬ್ಬಳು ಸಿನಿಮೀಯ ರೀತಿಯಲ್ಲಿ ಮದುವೆ ಮನೆಗೇ ನುಗ್ಗಿ ರಿವಾಲ್ವರ್‌ ತೋರಿ ವರನನ್ನು ಅಪಹರಿಸಿದ್ದಾಳೆ. ಈ ಕಿಡ್ನಾಪ್‌ ಪ್ರಹಸನ ಯಾರನ್ನಾದರೂ ತಬ್ಬಿಬ್ಬು ಮಾಡದೇ ಇರದು. ಮಂಗಳವಾರ ರಾತ್ರೋರಾತ್ರಿ ಇಬ್ಬರು ಯುವಕರ ಜೊತೆ ಬಂದೂಕು ಹಿಡಿದು ಎಸ್‌ಯುವಿಯಲ್ಲಿ ಬಂದಿಳಿದ ಆಕೆ, ಮದುವೆ ಮಂಟಪಕ್ಕೆ ನುಗ್ಗಿ ಹುಡುಗನ ತಲೆಗೆ ಬಂದೂಕು ಗುರಿ ಇರಿಸಿದ್ದಾಳೆ. “ಈತ ನನ್ನನ್ನು ಪ್ರೀತಿಸಿದ್ದ. ಈಗ ಮತ್ತೂಂದು ಹುಡುಗಿಯನ್ನು ಮದುವೆಯಾಗುವ ಮೂಲಕ ನನಗೆ ಮೋಸ ಮಾಡುತ್ತಿದ್ದಾನೆ. ಇದಕ್ಕೆ ನಾನು ಅವಕಾಶ ನೀಡಲಾರೆ’ ಎಂದು ಹೇಳುತ್ತಾ, ಆತನನ್ನು ಎಳೆದುಕೊಂಡು ಅಜ್ಞಾತ ಸ್ಥಳಕ್ಕೆ ಕೊಂಡೊಯ್ದಿದ್ದಾಳೆ. ಇನ್ನೂ ವರ ಅಶೋಕ್‌ ಯಾದವ್‌ ಪತ್ತೆಯಾಗಿಲ್ಲ.

ಒಂದೆಡೆ, “ಅಶೋಕ್‌ಗೆ ಈ ಮೊದಲೇ ಆ ಮಹಿಳೆಯ ಜೊತೆ ಗುಟ್ಟಾಗಿ ಮದುವೆಯಾಗಿದೆ. ಆದರೆ ಹೆತ್ತವರ ಒತ್ತಡಕ್ಕೆ ಮಣಿದು ಆತ ಇನ್ನೊಂದು ಮದುವೆಗೆ ಸಿದ್ಧನಾಗಿದ್ದ’ ಎಂದು ಸ್ಥಳೀಯರು ಗುಸು ಗುಸು ಮಾತನಾಡುತ್ತಿದ್ದಾರೆ. ಮತ್ತೂಂದೆಡೆ, ವಧುವಿನ ಕುಟುಂಬದವರು ವರನನ್ನು ಅಪಹರಿಸಿದ ಯುವತಿ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ. ವಿಶೇಷವೆಂದರೆ, ಪೊಲೀಧಿಸರು, “ಆಕೆ ಮೋಸ ಮಾಡಿದ ಹುಡುಗನಿಗೆ ಸರಿಯಾಗಿ ಪಾಠ ಕಲಿಸಿದ್ದಾಳೆ’ ಎಂದು ರಿವಾಲ್ವರ್‌ ರಾಣಿಯನ್ನೇ ಶ್ಲಾ ಸಿದ್ದಾರಂತೆ.