ಅಂಟಾರ್ಟಿಕಾಕ್ಕೆ ಭಾರತೀಯ ಸಂಶೋಧಕರ ಪ್ರಯಾಣ

ಪಣಜಿ: 40ನೇ ಭಾರತೀಯ ಅಂಟಾರ್ಟಿಕ ವೈಜ್ಞಾನಿಕ ಅಭಿಯಾನ ಸೋಮವಾರ ಆರಂಭಗೊಂಡಿದೆ. ರಷ್ಯಾದಿಂದ ಕರೆಯಿಸಲಾಗಿದ್ದ ವಿಶೇಷ ಹಡಗಿನಲ್ಲಿ 43 ಜನ ಸಂಶೋಧಕರು ಗೋವಾದ ವಾಸ್ಕೊ ಮುರಗಾಂವ ಬಂದರಿನಿಂದ ಅಂಟಾರ್ಟಿಕಾಕ್ಕೆ ಪ್ರಯಾಣ ಬೆಳೆಸಿದರು. ಸದ್ಯ ಕೊರೊನಾ ಮಹಾಮಾರಿ ಭೀತಿ ಹಿನ್ನೆಲೆಯಲ್ಲಿ ಈ ಸಂಶೋಧಕರು ಪ್ರಯಾಣ ಬೆಳೆಸುವ ಸಂದರ್ಭದಲ್ಲಿಯೂ ಹಲವು ಮುನ್ನೆಚ್ಚರಿಕೆ ವಹಿಸಲಾಗಿತ್ತು. ಇದರಿಂದಾಗಿ ಸಂಶೋಧಕರನ್ನು ಹೆಚ್ಚಿನ ಜನರು ಯಾರೂ ಭೇಟಿ ಮಾಡಲು ಸಾಧ್ಯವಾಗಿಲ್ಲ.

ವಾಸ್ಕೊ ಮುರಗಾಂವ ಬಂದರಿನಲ್ಲಿ ಇಂಡಿಯನ್‌ ಆಯಿಲ್‌ ಮಾರ್ಕೆಟಿಂಗ್‌ ಸಂಚಾಲಕ ಗುರಮಿತ್‌ ಸಿಂಗ್‌, ಸಮುದ್ರ ಸಂಶೋಧನೆಯ ರಾಷ್ಟ್ರೀಯ ಕೇಂದ್ರದ ಸಂಚಾಲಕ ರವಿಚಂದ್ರನ್‌ ಉಪಸ್ಥಿತಿಯಲ್ಲಿ ಬಾವುಟ ತೋರಿಸಿ ಸಂಶೋಧಕರನ್ನು ಅಂಟಾರ್ಟಿಕಾಕ್ಕೆ ಕಳುಹಿಸಿಕೊಡಲಾಯಿತು.