Wuhan; ಕೋವಿಡ್‌ ಬಗ್ಗೆ ವರದಿ ಮಾಡಿದ್ದ ಪತ್ರಕರ್ತೆ 4 ವರ್ಷ ಬಳಿಕ ರಿಲೀಸ್‌

ವುಹಾನ್‌: ಕೋವಿಡ್‌ ಆರಂಭದ ದಿನಗಳಲ್ಲಿ ವುಹಾನ್‌ ಪರಿಸ್ಥಿತಿಯನ್ನು ವರದಿ ಮಾಡಿದ್ದಕ್ಕಾಗಿ ಜೈಲುಪಾಲಾಗಿರುವ ಚೀನೀ ಪತ್ರಕರ್ತೆ ಝಾಂಗ್‌ ಝಾನ್‌ ಬಿಡುಗಡೆಯಾಗಿದ್ದಾರೆ ಎಂದು ವರದಿಯಾಗಿದೆ.

2020ರ ಫೆಬ್ರವರಿಯಲ್ಲಿ ವ್ಯಾಪಕವಾಗಿ ಹರಡುತ್ತಿದ್ದ ಕೋವಿಡ್‌ ವಿರುದ್ಧ ಅವರು ವರದಿ ಮಾಡಿದ್ದರು. ಜಾಲತಾಣಗಳಲ್ಲಿ ಅದು ವೈರಲ್‌ ಆಗಿತ್ತು ಮತ್ತು ಚೀನಾ ಸರ್ಕಾರದ ವಿರುದ್ಧ ಟೀಕೆಗಳು ವ್ಯಕ್ತವಾಗಿದ್ದವು. ಜತೆಗೆ ಸರ್ಕಾರ ಟೀಕೆಗಳನ್ನು ತಡೆಯುತ್ತಿದ್ದ ಬಗ್ಗೆಯೂ ಝಾನ್‌ ವರದಿಯಲ್ಲಿ ಉಲ್ಲೇಖೀತವಾಗಿತ್ತು. ಹೀಗಾಗಿ, ಅವರನ್ನು ಜೈಲಿಗೆ ಹಾಕಲಾಗಿತ್ತು.

ಅವರ ಬಿಡುಗಡೆ ಬಗ್ಗೆ ಮೇ 10ರಂದು ರಿಪೋಟರ್ಸ್‌ ವಿತೌಟ್‌ ಬಾರ್ಡರ್‌(ಆರ್‌ಎಸ್‌ಎಫ್) ಟ್ವೀಟ್‌ ಮಾಡಿತ್ತು.