ಸ್ವಾದಿಷ್ಟಕರ ಹಲ್ವ

ಸಿಹಿ ತಿನಿಸು ಹಬ್ಬ, ಆಚರಣೆಯಲ್ಲಿ ಬಹಳ ಪ್ರಾಮುಖ್ಯತೆ ಪಡೆದಿದೆ. ಸಾಮಾನ್ಯವಾಗಿ ಪಾಯಸ, ಹೋಳಿಗೆ ಹಬ್ಬದ ವಿಶೇಷ ಅಡುಗೆ ಪಟ್ಟಿಯಲ್ಲಿ ಸೇರಿದ್ದು ಏನಾದರೂ ಹೊಸತು ಹಬ್ಬದೂಟಕ್ಕೆ ಇರಬೇಕೆಂದು ಬಯಸುವವರು ಹಲ್ವಾ ರೆಸಿಪಿಯನ್ನು ಒಮ್ಮೆ ಟ್ರೈ ಮಾಡಬಹುದು. ಸಾಮಾನ್ಯ ತರಕಾರಿಗಳಿಂದಲೇ ಸ್ವಾದಿಷ್ಟಕರ ಹಲ್ವಾ ತಯಾರಿಸಬಹುದು.

ಬೇಕಾಗುವ ಸಾಮಗ್ರಿ
ಗೆಣಸು -1/4 ಕಿ. ಲೋ
ಬೆಲ್ಲ- 100ಗ್ರಾಂ
ಏಲಕ್ಕಿ ಪುಡಿ- ಚಿಟಿಕೆ
ತುಪ್ಪ – 2 ಚಮಚ
ಗೋಡಂಬಿ -8
ಬಾದಾಮಿ -8

ಮಾಡುವ ವಿಧಾನ:
ಕುಕ್ಕರ್‌ನಲ್ಲಿ 2ಗ್ಲಾಸ್‌ ನೀರಿಗೆ ಗೆಣಸು ಹಾಕಿ 1ವಿಸಿಲ್‌ ಬರುವವರೆಗೂ ಬೇಯಿಸಿಟ್ಟುಕೊಳ್ಳಿ. ಬಳಿಕ ಅದರ ಸಿಪ್ಪೆ ತೆಗೆದು ಸ್ಮ್ಯಾಶ್‌ ಮಾಡಿ. ಪ್ಯಾನ್‌ಗೆ ತುಪ್ಪ ಹಾಕಿ ಬೆಲ್ಲ ಬೆರೆಸಿ, ಸ್ವಲ್ಪ ನೀರು ಬೆರೆಸಿ ಪಾಕದಂತೆ ಮಾಡಿಕೊಳ್ಳಿ. ಬೇಯಿಸಿದ ಗೆಣಸಿನ ಪೇಸ್ಟ್‌ ಹಾಕಿ 2 ನಿಮಿಷದ ಬಳಿಕ ಗೋಡಂಬಿ, ಬಾದಾಮಿಯನ್ನು ಮಿಶ್ರಣಗೊಳಿಸಿದರೆ ರುಚಿಕರ ಗೆಣಸಿನ ಹಲ್ವಾ ಸವಿಯಲು ಸಿದ್ಧ.