149 ವರ್ಷಗಳ ಬಳಿಕ ಇಂದು ಗುರು ಪೂರ್ಣಿಮೆ-ಚಂದ್ರ ಗ್ರಹಣ

ಮಣಿಪಾಲ: ಶತಮಾನದ ಅತೀ ದೀರ್ಘಾವಧಿಯ ಚಂದ್ರಗ್ರಹಣ ಇಂದು ಮತ್ತು ನಾಳೆ (ಜು.17ರಂದು) ಗೋಚರವಾಗಲಿದೆ. ಮಧ್ಯರಾತ್ರಿ ಸಂಭವಿಸುವ ಈ ಅಪರೂಪದ ಸನ್ನಿವೇಶಕ್ಕೆ ನಾಡು ಸಾಕ್ಷಿಯಾಗಲಿದೆ. ಈ ಗ್ರಹಣವನ್ನು ಬರಿಗಣ್ಣಿನಿಂದ ವೀಕ್ಷಿಸಬಹುದಾಗಿದೆ.

149 ವರ್ಷಗಳ ಬಳಿಕ
ಗುರುವಾರ ಗುರು ಪೂರ್ಣಿಮೆ ದಿನ. ಈ ವರ್ಷ ಚಂದ್ರಗ್ರಹಣ ಮತ್ತು ಗುರು ಪೂರ್ಣಿಮೆ ಒಂದೇ ದಿನ ನಡೆಯುತ್ತಿದೆ. ಈ ಹಿಂದೆ 1870ರ ಜು.12ರಂದು ಅಪರೂಪದ ಚಂದ್ರ ಗ್ರಹಣ ಮತ್ತು ಗುರು ಪೂರ್ಣಿಮೆ ಒಂದೇ ದಿನ ನಡೆದಿತ್ತು. ಅಂದರೆ ಇದು ಮರಳಿ ಘಟಿಸುತ್ತಿರುವುದು 149 ವರ್ಷಗಳ ಬಳಿಕ. ಈ ಕಾರಣಕ್ಕೆ ಇದನ್ನು ಐತಿಹಾಸಿಕ ಚಂದ್ರ ಗ್ರಹಣ ಎನ್ನಲಾಗುತ್ತಿದೆ. ಇದಲ್ಲದೆ, ಇದು ಈ ವರ್ಷದ ಕೊನೆಯ ಚಂದ್ರಗ್ರಹಣ. ನಮ್ಮಲ್ಲಿ ಅರುಣಾಚಲ ಪ್ರದೇಶ ಹೊರತು ಪಡಿಸಿ ಉಳಿದ ಕಡೆಗಳಲ್ಲಿ ಈ ಗ್ರಹಣ ಗೋಚರಿಸಲಿದೆ.